Pois xa chegaron as vacacións e antes de marchar para casa dende a fiestra da biblioteca mirei e escoitei o ben que cantabades e bailabades. Iso si, menudo susto levei cando escoitei as alarmas do coche de bombeiros!!! ¡Pensei que prendera lume o colexio! Pero non, eran os paxes das súas Maxestades que viñeron recoller o correo e dar un pequeno agasallo como remate do ano.
Desfrutade das Festas, pero tede sentidiño, que se está a complicar todo e á volta querevos ver a todos.
Antes de baixar ao patio, a clase de 2º B pasou pola biblioteca para repasar o retrouso da panxoliña elexida este ano "Canto tempo" (panxoliña do Camiño) de Jesús Pareja. Para isto voltaron usar os robots e comprobaron coma podían acompasar a velocidade do recorrido ao canto.
Hoxe estivo o alumnado de 2º A e 2ºB na biblioteca repasando cos robots parte do contido deste trimestre. Pasárono fenomenal e sen se decatar pasou o tempo. Velaí o que desfrutaron.
Aquí vos deixo as recomendacións para lle escribir a carta aos Reis Magos ou a Papá Noel ou simplemente para poder mercar libros, música... que calquera excusa é boa para iso.
Levar xa as levastes para casa, pero coma sempre pode haber algún despiste ou perda, mellor que as poidades consultar aquí.
Xa non queda nadiña para as vacacións e coma tódolos anos van as recomendacións lectoras con vós para casiña. Pedir xoguetes a Papá Noel ou aos Reis Magos está moi ben, pero non vos esquezades de poñer un libro ou dous nas peticións. Eu xa teño a miña carta lista🐸
Mentras, podedes usar algún dos libros que falan desta estación. Puxen no expositor algúns e cando me decatei, xa voaran!!!
Nesta ocasión, foron os de 4º A os que se reuniron con Fernando para falar dos manga de Naruto que leran. Alí estaban as figuras en "Plástico" para poder velas en "carne e óso" (eu achegueime para velas mellor👀). Ata os debuxos en versión orixinal estiveron presentes, porque cando se dobla unha serie, tanto sexa de persoas, coma de debuxos, perdemos a entoación primeira, e se é como no caso do xaponés, que seguro que ninguén entende nada, continuamos lendo os subtítulos. ¡¡O caso é ler!!
Outro día tanto os de 4ºA coma os de 4ºB viñeron buscar o libro que neste Nadal desfrutarán na casa, para comentar á volta. Foi Mariel a encargada de darllos e facer unha pequena introdución sobre as Formig4s. Ós de 5º xa o leron e quedaron encantados. agardamos que eles e elas tamén.
4ºB
4º A
Os de 5º ían levar os mangas, pero desafortunadamente, varios dos compañeiros e compañeiros están recluídos na casiña, por culpa do Covid, así que esperamos para ver se para a semana, antes de marchar, xa se incorporan ás aulas e así pode levar todo o mundo o seu libro. Esperemos que si💪💪
¡¡Que contenta estou!! Hoxe, aproveitando que é 3 de decembro, Día das persoas con discapaciade, aínda que a mín gústame máis dicir que son persoas con capacidades diferentes, e aínda lembrando moi que o 25N foi apenas unha semana, tivemos a sorte de que nos acompañara no edificio da Lomba Peúgo, o calcetín melenudo, que veu xunto coa súa escritora/inventora, Jessica Rodríguez. Os rapaces e rapazas de 2º foron os afortunados que puideron desfrutar da súa presenza, ademais de escoitar pola boca de Jessica o conto, e fixeron unha chea de actividades.
O primeiro de todo foi aprender que quería dicir "Peúgo" e que agora xa sabemos que é outro xeito de lles chamar aos calcetíns, así que o do título do libro xa estaba aclarado. Despois quitamos os zapatos para que así todo mundo mirara os calcetíns que levaban. Case todo o mundo levaba un par igual, e digo case todo o mundo, porque Jessica non. Ela lucía dous fermosos calcetíns desparellados, E así comezou o conto.
Repartiu tarxetas con palabras que ían saír no conto e os que tiñan as tarxetas tiñan que facer un movemento silencioso cando soaba a súa palabra. Algún xa me fixei eu que se puxo un chisquiño nervoso por se non escoitaba a palabra en cuestión...😂
Ao rematar, falaron por parellas do que lles parecera o conto durante 1 minuto para despois dicilo en alto. Tamén fixeron unha roda e cando Jessica lles lanzaba unha pelota, dicían unha palabra das do conto. Con pezas de construcción, por grupos fixeron o seu deseño de calcetín e por grupos tamén buscaron no conto as ilustracións e debuxos que acompañan a historia e que foron debuxadas por Victoria Rem.
Xa na mesa, cada un tiña un trozo de papel, o seu estoxo con pinturas e un calcetín chulísimo para mirar durante 1 minuto e despois, de memoria, co calcetín debaixo do cu para non facer trampas, debuxaron o que lembraban. ¡¡Qué artistas e que memoria de elefante!!!🐘🐘 Quedaron uns deseños preciosos, xa que despois comprobaron se a súa memoria era tan boa coma pensaban.
Que mañá tan chula, foi un pracer ter a Jessica con nós, e esperemos que venda moitos libros, para que a xente coñeza a Peúgo e a súa historia e así, aprendan, igual que o fixo o alumnado de 2º que non debemos deixar que ninguén nos faga dano, que debemos estar con quen nos queira, sexa igual a nós ou non, e que con imaxinación, todos podemos ter outra oportunidade, que non pasa nada se temos un roto ou un descosido, o importante é querernos e ser quen de facer moitas cousas aínda que non sexan as que todo o mundo pensaría, pois cadaquen ten unhas capacidades diferentes.
Aquí vos deixo unha foto que nos fixemos Peúgo e máis eu, e un vídeo onde poderedes ver o ben que o pasamos.
O alumnado de 6º que está a ler El herrero de la luna llena reuniuse hoxe para falar sobre o libro coa profe Charo. Están a aprender moitas cousas interesantes sobre o Camiño e as supersticións que había naquela época.
O clube de lectura continúa e foron os de 4ºB os que hoxe despois de ler o primeiro tomo de Dr. Slump e comentar con Fernando o que máis e menos lles gustara, pediron que na biblioteca continuase a colección para non quedar coa intriga do que pasa.
Algúns tiveron a sorte de poder facerse unha fotografía coa gorra de Arale e coa boneca que xa é máis vella ca eles, pois leva uns 20 anos na casa de Fernando, pero todos e todas as puideron manipular.
Como non, miraron trozos dos debuxos na televisión e a relación con Son Goku. ¡¡¡A de cousas que aprendín hoxe escoitándoos!!!
Nesta xornada de visibilización e de traballo na escola por parte do equipo de Igualdade, a biblioteca por suposto que ten moito que dicir. As lecturas que vos propuxemos foron de viaxe polas aulas e axudaron a entender un pouquichiño mellor que quere dicir isto de Violencia de Xénero.
O colexio luciu así de ben e coas nosas pulseiras (eu tamén teño) levamos fora do centro a nosa mensaxe. Na páxina web do centro están os enlaces dos vídeos e máis do anuncio co que pretendemos facer chegar as familias e a contorna o que pensamos.
Dende o equipo de normalización pediron para este Magosto que dende as casas investigaran e trouxeran refráns, ditos, receitas de castañas... Na aula de 2ºB fixeron a súa parte e ademais deses refráns, a receita que trouxo Anaís pareceulles tan apetecible, que decidiron facela na Biblioteca, pero como non reservaran a hora e xa estaba ocupada, levaron o forno para a clase. Deíxovos o vídeo de todo o proceso.
Este ano veño con moitas enerxías así que decidín formar nesta nosa lagoa clubs de Lectura. Coma nestas reunións o que facemos é debullar contos e historias, falar deles e sacarlle todo o seu xugo, así quedou o nome: "Debullando Contos" ¿Gústavos?
Estou contentísima, porque ainda que sabía que fixo que íanse apuntar moitos rapaces e rapazas, o resultado foi espectacular!!! Oito grupos e iso que este ano, somentes llo ofertamos a 4º, 5º e 6º, que estamos a comezar e ainda non sabemos moi ben como vai saír este "experimento" Fixemos de dous tipos, de narrativa en prosa e de comic manga.
O 10 de novembro comezaron os de 6º recollendo o libro : "El herrero de la luna llena" A mestra Charo é a encargada deste grupo e do grupo dos de 5º é a mestra Mariel co libro: "Formigas Misión Camiño de Santiago". Para que o noso Camiño do PDI se enriqueza eleximos estes dous títulos. Coa emoción esquecimos facer fotos destas primeiras reunións. Prometemos que para a seguinte estaremos todos ben guapiños e guapiñas😁
Ó día seguinte, foi o turno dos de 4ºA e 4ºB que son tantos que houbo que facer dous grupos. Eles comezaron co manga e desta volta si que fixemos as fotos. O profe Fernando é quen leva estes grupos de Manga, non podía ser doutro xeito, é o mestre especialista!!!
Nas próximas semanas teremos máis reunións e comentaremos como vai a lectura, o que máis nos gustou (ou non), as cousas que nos chaman a atención... en fin, debullar as historias, que é do que se trata.
En Vilagarcía temos a sorte de que se celebren actividades como Curtas, Festival do imaxinario, e dentro del, a literatura tamén ten o seu recuncho. O escritor Xan Eguía, falou de "Seres mitolóxicos do Camiño" Entrevista a Xan Eguía que tan ben cae para o PDI deste ano, e falando de Banda deseñada, trouxeron a Inés Vázquez. Entrevista a Inés Vázquez
Ista escritora e debuxante galega deste precioso libro "Aldara", que despois de que rematara a súa entrevista, tivo a ben asinar, adicar e debuxar un exemplar para que poidamos ter na nosa lagoa. Nel fala da lenda da Cerva Branca, no Courel. ¡¡Non o perdades!!
Hoxe, 24 de outubro celébrase o Día das Bibliotecas e nós non imos ser menos. Dende a nosa biblioteca están xa listas as mochilas viaxeiras para que este ano con máis motivo que nunca, emprendan o seu "Camiño"
O expositor do Samaín tamén está preparado, é máis, entre que o puxen e volvín mirar, xa houbo quen decidiu levar eses libros á súa casa, así que lles puxen outros no sitio. Pasou o mesmo no Anexo.
¡¡Aquí estou!! ¿guapa, non si? e igual vos preguntaredes que estou a facer con estes cascos e ese micrófono... moi sinxelo. Como xa vos dixen a principios de curso, este ano o verán prestounos e vimos con moita forza para nos meter en novos proxectos. Un deles é a radio escolar e o equipo de biblioteca está a traballar moito. Xa temos nome para a nosa emisora: "A Lomba nas Ondas" pero precisamos da vosa axuda para o nome dos programas que faremos tanto na Lomba coma no Anexo.
Cada curso deberá propoñer un nome, iste salerá da votación realizada en cada clase que lle dará o nome as coordinadoras deste proxecto, Dolo e Sandra na Lomba ou Layla e Dolo no Anexo. Tedes de prazo ata o 8 de novembro. Despois entre todas as propostas, elexiremos un nome para os programas de cada edificio. De seguro que vai ser complicado elexir só un.
Debido ás restriccións sanitarias deste novo curso, aquí queda a nova normativa de uso da biblioteca.
O
alumnado debe hixienizar as mans con xel hidroalcohólico antes e
despois da estancia na sala.
O
aforo da mesma será de 13 alumnos/as en cada sala.
É
obrigatorio o uso da máscara de protección en todo momento.
Non
poderán estar sós na biblioteca, sempre haberá un mestre/a
con eles.
Os
libros non poderán ser manipulados libremente. Se se le na sala, o
mestre/a será o encargado de entregarllo.
O
préstamo farase solicitando un exemplar da estantería ou elexíndoo
a través do portal Meiga.
Os
libros devoltos introduciranse
nunha caixa de plástico onde pasarán a corentena de 3 días, e o
persoal da biblioteca transcorrido
ese tempo, colocaraos
de novo nos andeis.
Retiraranse
as alfombras do chan para así facilitar a limpeza e desinfección
do mesmo.
Os
postos de lectura e traballo estableceranse de tal xeito que non
queden de fronte uns aos outros e que haxa separación dunha cadeira
á seguinte do lado, no
caso da Lomba, no Anexo posto que as mesas son redondas pero
grandes, suprimirase unha cadeira en cada mesa para que haxa
separación lateral, posto que a de fronte xa existe.
Ao rematar deberanse
hixienizar tanto as cadeiras como as mesas, ben cun spray, ben cun
pano húmido que se desbotará na papeleira con tapa, disposta para
tal uso.
Os
ordenadores tamén serán hixienizados despois do seu uso.
Os
xogos de mesa e
todo o espazo fedelleiro, non
se poderá usar cando sexan de uso compartido e
unha vez manipulados, ben se hixienizarán, ben pasarán a estar
nunha caixa de corentena 3 días.
A
biblioteca da Lomba
conta con dúas portas, unha será de entrada e outra de saída.
Estas portas estarán sinaladas con carteis para que o alumnado o
vexa claramente. Os alumnos entrarán por unha e sairán pola outra.
No
Anexo tomaranse
as mesmas medidas, utilizando a única porta para entrada e saída.
Para
evitar a convivencia entre alumnado de diferentes grupos e niveis, a
biblioteca deixará de ser utilizada como espazo de lecer durante os
recreos.
A
biblioteca será utilizada en horas de clase, como espazo de
traballo, lectura e procura de información, onde o alumnado será
acompañado en todo momento polos seus profesores/as e se establecerá
un horario de uso semanal, que permita a súa organización.
Posto
que hai coleccións de libros repetidos, os titores/as poderán levar
os exemplares as súas aulas para poder entregarlle un a cada
alumno/a para as lecturas grupais, e que pasarán tamén por unha
corentena de 3 días ao rematar o seu uso.
No
edificio da Lomba, en primaria, continuarán co uso das mochilas
viaxeiras, pero unha vez devoltas, pasarán unha corentena de 7 días
antes de seren enviadas de novo a outra casa, posto que está
composta de diferentes materiais.
Aprendede ben estas novas normas e gozade da Biblioteca.
¡Que ganiñas tiña de vos ver! O verán está moi ben, podemos ir de vacacións, bañarnos, xogar, ler, pasear, viaxar, ler, cociñar... ¿xa dixen ler?😉 Pero eu nesta miña lagoa sen vos... non é o mesmo.
Este ano temos novidades, tentaremos facer clubes de lectura para 4º, 5º e 6º tanto de literatura coma de comics Manga, tamén botar a andar a Radio na biblioteca e como non, traballar no noso PDI. Este ano o nome é "Pasiño a pasiño, A Lomba no Camiño" así que coma sodes moi listos e listas, xa imaxinaredes que aprenderemos e coñeceremos cousiñas sobre o Camiño de Santiago.
Pois con toda ista información... ¡Benvidos ao curso 2021-2022!
Xa temos as recomendacións lectoras para este verán. Tedes moitas opcións, temáticas diferentes e música, pelis e libros tamén para papá e mamá, para cociñar, para aprender... o caso é ler nestes meses, ben na praia, ben no campo, na piscina ou no balcón, que para viaxar só precisamos do libro.
Aínda que as ides levar en papel, por se alguén as perde polo camiño coa ilusión de comezar as vacacións, aí vos quedan no blogue.
Desfrutade do Verán moito moito e volvede coas pilas cargadas para o próximo curso, que esperemos sexa un pouco máis normal ca este.
Iso si, seguide cumprindo as normas que TAN BEN cumpríades no colexio, con sentidiño e prudencia.
¡¡¡Moitas apertas e bicos molladííííísimos e soleados!!!
