xoves, 23 de decembro de 2021

Chegaron as vacacións

 Pois xa chegaron as vacacións e antes de marchar para casa dende a fiestra da biblioteca mirei e escoitei o ben que cantabades e bailabades. Iso si, menudo susto levei cando escoitei as alarmas do coche de bombeiros!!! ¡Pensei que prendera lume o colexio! Pero non, eran os paxes das súas Maxestades que viñeron recoller o correo e dar un pequeno agasallo como remate do ano.

Desfrutade das Festas, pero tede sentidiño, que se está a complicar todo e á volta querevos ver a todos.





Bicos Mollados

Rosalía


martes, 21 de decembro de 2021

Repasando o retrouso da Panxoliña

 Antes de baixar ao patio, a clase de 2º B pasou pola biblioteca para repasar o retrouso da panxoliña elexida este ano "Canto tempo" (panxoliña do Camiño) de Jesús Pareja. Para isto voltaron usar os robots e comprobaron coma podían acompasar a velocidade do recorrido ao canto.


¡Felices Vacacións!

Bicos mollados

Rosalía

luns, 20 de decembro de 2021

Repasando contidos coa robótica

 Hoxe estivo o alumnado de 2º A e 2ºB na biblioteca repasando cos robots parte do contido deste trimestre. Pasárono fenomenal e sen se decatar pasou o tempo. Velaí o que desfrutaron.


Bicos mollados.

Rosalía

venres, 17 de decembro de 2021

RECOMENDACIÓNS LECTORAS NADAL 21

 Aquí vos deixo as recomendacións para lle escribir a carta aos Reis Magos ou a Papá Noel ou simplemente para poder mercar libros, música... que calquera excusa é boa para iso.

Levar xa as levastes para casa, pero coma sempre pode haber algún despiste ou perda, mellor que as poidades consultar aquí.

¡¡¡Desfrutade das vacacións!!! 🎁🎁🎄🎄🎅



Bicos mollados.

Rosalía

xoves, 16 de decembro de 2021

Que cerquiña está o NADAL

 Xa non queda nadiña para as vacacións e coma tódolos anos van as recomendacións lectoras con vós para  casiña. Pedir xoguetes a Papá Noel ou aos Reis Magos está moi ben, pero non vos esquezades de poñer un libro ou dous nas peticións. Eu xa teño a miña carta lista🐸

Mentras, podedes usar algún dos libros que falan desta estación. Puxen no expositor algúns e cando me decatei, xa voaran!!!


Bicos mollados.

Rosalía

Continuamos Debullando Contos

 Nesta ocasión, foron os de 4º A os que se reuniron con Fernando para falar dos manga de Naruto que leran. Alí estaban as figuras en "Plástico" para poder velas en "carne e óso" (eu achegueime para velas mellor👀). Ata os debuxos en versión orixinal estiveron presentes, porque cando se dobla unha serie, tanto sexa de persoas, coma de debuxos, perdemos a entoación primeira, e se é como no caso do xaponés, que seguro que ninguén entende nada, continuamos lendo os subtítulos. ¡¡O caso é ler!!


Outro día tanto os de 4ºA coma os de 4ºB viñeron buscar o libro que neste Nadal desfrutarán na casa, para comentar á volta. Foi Mariel a encargada de darllos e facer unha pequena introdución sobre as Formig4s. Ós de 5º xa o leron e quedaron encantados. agardamos que eles e elas tamén.

4ºB

4º A

Os de 5º ían levar os mangas, pero desafortunadamente, varios dos compañeiros e compañeiros están recluídos na casiña, por culpa do Covid, así que esperamos para ver se para a semana, antes de marchar, xa se incorporan ás aulas e así pode levar todo o mundo o seu libro. Esperemos que si💪💪

Bicos mollados.

Rosalía

venres, 3 de decembro de 2021

Visita de Peúgo á Lomba

 Olaaaa:

¡¡Que contenta estou!! Hoxe, aproveitando que é 3 de decembro, Día das persoas con discapaciade, aínda que a mín gústame máis dicir que son persoas con capacidades diferentes, e aínda lembrando moi que o 25N foi apenas unha semana, tivemos a sorte de que nos acompañara no edificio da Lomba Peúgo, o calcetín melenudo, que veu xunto coa súa escritora/inventora, Jessica Rodríguez. Os rapaces e rapazas de 2º foron os afortunados que puideron desfrutar da súa presenza, ademais de escoitar pola boca de Jessica o conto, e fixeron unha chea de actividades.

O primeiro de todo foi aprender que quería dicir "Peúgo" e que agora xa sabemos que é outro xeito de lles chamar aos calcetíns, así que o do título do libro xa estaba aclarado. Despois quitamos os zapatos para que así todo mundo mirara os calcetíns que levaban. Case todo o mundo levaba un par igual, e digo case todo o mundo, porque Jessica non. Ela lucía dous fermosos calcetíns desparellados, E así comezou o conto.

Repartiu tarxetas con palabras que ían saír no conto e os que tiñan as tarxetas tiñan que facer un movemento silencioso cando soaba a súa palabra. Algún xa me fixei eu que se puxo un chisquiño nervoso por se non escoitaba a palabra en cuestión...😂

Ao rematar, falaron por parellas do que lles parecera o conto durante 1 minuto para despois dicilo en alto. Tamén fixeron unha roda e cando Jessica lles lanzaba unha pelota,  dicían unha palabra das do conto. Con pezas de construcción, por grupos fixeron o seu deseño de calcetín e por grupos tamén buscaron no conto as ilustracións e debuxos que acompañan a historia e que foron debuxadas por Victoria Rem.

Xa na mesa, cada un tiña un trozo de papel, o seu estoxo con pinturas e un calcetín chulísimo para mirar durante 1 minuto e despois, de memoria, co calcetín debaixo do cu para non facer trampas, debuxaron o que lembraban. ¡¡Qué artistas e que memoria de elefante!!!🐘🐘 Quedaron uns deseños preciosos, xa que despois comprobaron se a súa memoria era tan boa coma pensaban.

Que mañá tan chula, foi un pracer ter a Jessica con nós, e esperemos que venda moitos libros, para que a xente coñeza a Peúgo e a súa historia e así, aprendan, igual que o fixo o alumnado de 2º que non debemos deixar que ninguén nos faga dano, que debemos estar con quen nos queira, sexa igual a nós ou non, e que con imaxinación, todos podemos ter outra oportunidade, que non pasa nada se temos un roto ou un descosido, o importante é querernos e ser quen de facer moitas cousas aínda que non sexan as que todo o mundo pensaría, pois cadaquen ten unhas capacidades diferentes.

Aquí vos deixo unha foto que nos fixemos Peúgo e máis eu, e un vídeo onde poderedes ver o ben que o pasamos.




Bicos mollados.

Rosalía


luns, 29 de novembro de 2021

E hoxe máis Clube de Lectura de 6º

 O alumnado de 6º que está a ler El herrero de la luna llena reuniuse hoxe para falar sobre o libro coa profe Charo. Están a aprender moitas cousas interesantes sobre o Camiño e as supersticións que había naquela época.





Bicos mollados.

Rosalía


venres, 26 de novembro de 2021

DR.SLUMP con 4ºB

 O clube de lectura continúa e foron os de 4ºB os que hoxe despois de ler o primeiro tomo de Dr. Slump e comentar con Fernando o que máis e menos lles gustara, pediron que na biblioteca continuase a colección para non quedar coa intriga do que pasa. 

Algúns tiveron a sorte de poder facerse unha fotografía coa gorra de Arale e coa boneca que xa é máis vella ca eles, pois leva uns 20 anos na casa de Fernando, pero todos e todas as puideron manipular. 

Como non, miraron trozos dos debuxos na televisión e a relación con Son Goku. ¡¡¡A de cousas que aprendín hoxe escoitándoos!!!


Bicos mollados.

Rosalía

xoves, 25 de novembro de 2021

25N NA BIBLIOTECA

 Nesta xornada de visibilización e de traballo na escola por parte do equipo de Igualdade, a biblioteca por suposto que ten moito que dicir. As lecturas que vos propuxemos foron de viaxe polas aulas e axudaron a entender un pouquichiño mellor que quere dicir isto de Violencia de Xénero.



O colexio luciu así de ben e coas nosas pulseiras (eu tamén teño) levamos fora do centro a nosa mensaxe. Na páxina web do centro están  os enlaces dos vídeos e máis do anuncio co que pretendemos facer chegar as familias e a contorna o que pensamos.

https://youtu.be/tPIVHm-qaiI

https://youtu.be/KGm-UgI3v3U

https://youtu.be/hueZng9RqLY

Bicos mollados.

Rosalía


domingo, 21 de novembro de 2021

O Magosto. Receitas con castañas.

Dende o equipo de normalización pediron para este Magosto que dende as casas investigaran e trouxeran refráns, ditos, receitas de castañas... Na aula de 2ºB fixeron a súa parte e ademais deses refráns, a receita que trouxo Anaís pareceulles tan apetecible, que decidiron facela na Biblioteca, pero como non reservaran a hora e xa estaba ocupada, levaron o forno para a clase. Deíxovos o vídeo de todo o proceso.



Bicos mollados.
Rosalía



venres, 12 de novembro de 2021

¡¡¡DEBULLANDO CONTOS!! Clube de lectura da nosa Lagoa

 Ola!!!!

Este ano veño con moitas enerxías así que decidín formar nesta nosa lagoa clubes de Lectura. Coma nestas reunións o que facemos é debullar contos e historias, falar deles e sacarlle todo o seu xugo, así quedou o nome:  "Debullando Contos" ¿Gústavos?

Estou contentísima, porque ainda que sabía que fixo que íanse apuntar moitos rapaces e rapazas, o resultado foi espectacular!!! Oito grupos e iso que este ano, somentes llo ofertamos a 4º, 5º e 6º, que estamos a comezar e ainda non sabemos moi ben como vai saír este "experimento" Fixemos de dous tipos, de narrativa en prosa e de comic manga. 

O 10 de novembro comezaron os de 6º recollendo o libro : "El herrero de la luna llena" A mestra Charo é a encargada deste grupo e do grupo dos de 5º é a mestra Mariel co libro: "Formigas Misión Camiño de Santiago". Para que o noso Camiño do PDI se enriqueza eleximos estes dous títulos. Coa emoción esquecimos facer fotos destas primeiras reunións. Prometemos que para a seguinte estaremos todos ben guapiños e guapiñas😁


Ó día seguinte, foi o turno dos de 4ºA e 4ºB que son tantos que houbo que facer dous grupos. Eles comezaron co manga e desta volta si que fixemos as fotos. O profe Fernando é quen leva estes grupos de Manga, non podía ser doutro xeito, é o mestre especialista!!!


Nas próximas semanas teremos máis reunións e comentaremos como vai a lectura, o que máis nos gustou (ou non), as cousas que nos chaman a atención... en fin, debullar as historias, que é do que se trata.

Bicos mollados.

Rosalía


mércores, 3 de novembro de 2021

CURTAS

 En Vilagarcía temos a sorte de que se celebren actividades como Curtas, Festival do imaxinario, e dentro del, a literatura tamén ten o seu recuncho. O escritor Xan Eguía, falou de "Seres mitolóxicos do Camiño" Entrevista a Xan Eguía  que tan ben cae para o PDI deste ano, e falando de Banda deseñada, trouxeron a Inés Vázquez. Entrevista a Inés Vázquez

 Ista escritora e debuxante galega deste precioso libro "Aldara", que despois de que rematara a súa entrevista, tivo a ben asinar, adicar e debuxar un exemplar para que poidamos ter na nosa lagoa. Nel fala da lenda da Cerva Branca, no Courel. ¡¡Non o perdades!!





Bicos mollados.

Rosalía.

venres, 29 de outubro de 2021

O noso Samaín

 Coma tódolos anos cando se achegan estas datas, o expositor da biblioteca se carga de lecturas terroríficas, coma xa vistes na publicación anterior.

Tamén houbo lecturas terroríficas nas aulas do anexo. Aquí temos unhas pequenas mostras do ben que o fixeron.






E na Lomba as cabazas e as merendas tamén foron monstrosamente especiais.


Bicos mollados!!!!

Rosalía🎃🎃🎃🎃🎃🎃🎃🎃🎃🎃🎃🎃

domingo, 24 de outubro de 2021

Día das Bibliotecas e Samaín en camiño


 

Hoxe, 24 de outubro celébrase o Día das Bibliotecas e nós non imos ser menos. Dende a nosa biblioteca están xa listas as mochilas viaxeiras para que este ano con máis motivo que nunca, emprendan o seu "Camiño"

O expositor do Samaín tamén está preparado, é máis, entre que o puxen e volvín mirar, xa houbo quen decidiu levar eses libros á súa casa, así que lles puxen outros no sitio. Pasou o mesmo no Anexo.






mércores, 20 de outubro de 2021

A Lomba nas Ondas


 ¡¡Aquí estou!! ¿guapa, non si? e igual vos preguntaredes que estou a facer con estes cascos e ese micrófono... moi sinxelo. Como xa vos dixen a principios de curso, este ano o verán prestounos e vimos con moita forza para nos meter en novos proxectos. Un deles é a radio escolar e o equipo de biblioteca está a traballar moito. Xa temos nome para a nosa emisora: "A Lomba nas Ondas" pero precisamos da vosa axuda para o nome dos programas que faremos tanto na Lomba coma no Anexo.

Cada curso deberá propoñer un nome, iste salerá da votación realizada en cada clase que lle dará o nome as coordinadoras deste proxecto, Dolo e Sandra na Lomba ou Layla e Dolo no Anexo. Tedes de prazo ata o 8 de novembro. Despois entre todas as propostas, elexiremos un nome para os programas de cada edificio. De seguro que vai ser complicado elexir só un.

Esperamos as vosas propostas.

Bicos mollados.

Rosalía (A ra que le poesía)

xoves, 23 de setembro de 2021

Xa temos o expositor "Camiñando"

 Bo día:

Xa temos o expositor preparado cos primeiros libros e xogos sobre o Camiño, non me diredes que non é chulo, verdade?


¡¡Pois a investigar!!!

Bicos Mollados

Rosalía

venres, 10 de setembro de 2021

¡¡¡BENVIDAS E BENVIDOS!!!

 Ola de novo:


¡Que ganiñas tiña de vos ver! O verán está moi ben, podemos ir de vacacións, bañarnos, xogar, ler, pasear, viaxar, ler, cociñar... ¿xa dixen ler?😉 Pero eu nesta miña lagoa sen vos... non é o mesmo. 



Este ano temos novidades, tentaremos facer clubes de lectura para 4º, 5º e 6º tanto de literatura coma de comics Manga, tamén botar a andar a Radio na biblioteca e como non, traballar no noso PDI. Este ano o nome é "Pasiño a pasiño, A Lomba no Camiño" así que coma sodes moi listos e listas, xa imaxinaredes que aprenderemos e  coñeceremos cousiñas sobre o Camiño de Santiago.

Pois con toda ista información... ¡Benvidos ao curso 2021-2022!

Bicos mollados.

Rosalía

domingo, 20 de xuño de 2021

RECOMENDACIÓNS LECTORAS

 Bo día a todo o mundo:

Xa temos as recomendacións lectoras para este verán. Tedes moitas opcións, temáticas diferentes e música, pelis e libros tamén para papá e mamá, para cociñar, para aprender... o caso é ler nestes meses, ben na praia, ben no campo, na piscina ou no balcón, que para viaxar só precisamos do libro.

Aínda que as ides levar en papel, por se alguén as perde polo camiño coa ilusión de comezar as vacacións, aí vos quedan no blogue.

Desfrutade do Verán moito moito e volvede coas pilas cargadas para o próximo curso, que esperemos sexa un pouco máis normal ca este.

Iso si, seguide cumprindo as normas que TAN BEN cumpríades no colexio,  con sentidiño e prudencia.

 ¡¡¡Moitas apertas e bicos molladííííísimos e soleados!!!

Rosalía

xoves, 17 de xuño de 2021

LIBROS FANTÁSTICOS

 Si, xa sei, moitos diredes que os TODOS os libros son fantásticos, pero estes aínda máis. Os alumnos do colexio foron visitar a exposición que está no Auditorio e que abre boca para as actividades que convertirán Vilagarcía na "CIDADE DOS LIBROS" e maís cursos aproveitarán estes últimos días para botar un ollo a esta preciosidade de exposición. Déixovos as fotos e o programa, para que non perdades comba.





¡¡¡Bicos mollados!!!

Rosalía

martes, 8 de xuño de 2021

6ºA e 6ºB na Lomba

 

Os grupos de 6ºA e 6ºB traballaron nas súas aulas menos de que tiñan pensado nun principio, pois é un curso de preparación para o instituto no que tiñamos que condensar parte do non dado en 5º e pillounos un pouco o tren.

No primeiro trimestre coa axuda de google maps, de planos da oficina de turismo e de recompilación de fotos antigas, así como material editado polo concello, vimos os límites da Vilagarcía antiga, das anexións de Carril e Vilaxoan e de como se lle foi comendo terreo ao mar. Miramos edificios que aínda están en pe e como cambiou a contorna. Observamos esculturas que hai repartidas pola cidade e con barro fan unha escultura a escala coma se quixeramos poñelo nun parque, debuxamos o concello e miramos o escudo da cidade.

 


 

 

No segundo trimestre investigamos sobre a chegada do tren a Carril e todos os cambios que supuxo para a Vila. Non chegamos facer a saída ata o museo do ferrocarril. Con fotografías dende diferentes lugares do concello e as esculturas, colaboramos no vídeo da Paz. Despois de investigar sobre o efecto do Prestige nas nosas costas realizouse un cadro para participar no concurso das letras galegas “Xela Arias” pois un dos seus poemas titúlase “Marea negra” e outro “Urxencias” partindo de periódicos de galego e para facer un collage relacionándoo co covid .


No terceiro trimestre: Localizamos a Cortegada dentro do Parque Natural das Illas Atlánticas e a riqueza marisqueira que ten toda a zona, diferentes cultivos e formas de extracción as gárgolas dos edificios, as farolas das rúas, as diferentes formas das ventás, unha acuarela de “O verán en Vilagarcía” e un proxecto de arquitectura creando un edificio sostible AAA para crear nunha posible zona de Vilagarcía cun efecto contaminante mínimo e cun gasto enerxético autosuficiente.


Nos grupos non houbo demasiado interese pola busca de información e aínda que lles sorprendían os datos, non tiveron moitas inquedanzas, atribuíbles a non poder realizar os traballos cooperativamente, como estaban acostumados, polo que debido á tardanza na busca desa información, atrasaron as actividades a realizar.

 

 

5ºC e 6ºC no Anexo

 

As titoras destes niveis fixemos co noso alumnado ao longo do curso, un estudio xeral sobre Vilagarcía, traballando unha sesión semanal, coincidindo, case sempre, a cuarta dos venres.

O traballo repartido por trimestres foi o seguinte:


1º TRIMESTRE

- Recopilamos fotografías antigas de distintas zonas da cidade, utilizando diferentes páxinas webs, información subministrada polo concello e outras asociacións, libros recopilatorios...

- Conseguimos, cara a facer unha exposición, fotos actuais dos mesmos sitios, incluíndo fotografías feitas polos rapaces.

- Tamén fixeron saídas a algúns deses lugares para debuxar prazas, rúas, xardíns e monumentos.


2º TRIMESTRE

- Resumimos a historia de cada zona utilizando os paneis do concello da Ruta histórica de Vilagarcía.

- Montamos a exposición cos resumos e as fotografías ao longo da entrada e dos corredores do colexio, aproveitando para fixarnos e informarmos sobre o traballo que estaban a realizar sobre este tema os outros ciclos de primaria e que tamén está exposto polo colexio.

- Fixemos pequenas biografías sobre personaxes con maior ou menor relevancia que ían xurdindo ao afondar no traballo.


3º TRIMESTRE

- Explicamos a outros compañeiros, por grupos, os resumos e fotografías recopiladas de cada zona.

- Estudamos o plano de Vilagarcía, localizando as rúas e prazas da exposición, así como as rúas onde vive cada un dos rapaces da aula.

- Consultamos e limos distintos reportaxes de varios números da revista eSmás proporcionada polo pai dun alumno do centro. Centrámonos en artigos sobre rutas de sendeirismo, arqueoloxía, as festas de Santa Rita, San Roque e o combate naval, entrevistas a vilagarciáns e Vilagarcía en branco e negro, onde voltamos ver moitas das fotos que nós traballáramos.

- Neste último mes do curso, faremos saídas organizadas con todas as medidas de seguridade que existan nese momento, aos lugares máis próximos ao colexio, repasando os aspectos estudados e recopilados ao longo do curso neste traballo sobre a nosa vila.


NOTA ADICIONAL

O traballo resultou de moito interese, tanto para o profesorado como para os nenos, notábaselle que lles gustaba recadar información sobre o tema e impresionábanse con moitas cousas que íamos descubrindo.

 


 

5º A e B na Lomba

 

Neste curso 2020/21 o centro traballou sobre o Proxecto: Vive a túa Vila! Nela chegamos ao alumnado a coñecer un pouco sobre a historia da nosa vila.

Os nenos/-as de 5º elaboramos un LIBRO COA HISTORIA DA VILA dividido en tres partes correspondentes aos tres trimestres e un vídeo explicativo de cada unha das partes do libro.

Ademais no 3º trimestre realizamos un PLANO DE VILAGARCÍA onde marcamos os contidos traballados no libro e os nomes das rúas onde viven @s nen@s. Tamén temos programada unha saída pola vila para ver os monumentos e rúas traballadas.


Cando

Onde

Destinatario

A nosa historia”

trimestre

Páxina web

Comunidade educativa

Camiñando pola rúa”

trimestre

Páxina web

Comunidade educativa

Estamos de festa”

trimestre

Páxina web

Comunidade educativa


Produto

Actividades a desenvolver

Áreas

1.- Elaboración da parte do libro correspondente a MONUMENTOS ( Pazo de Vista Alegre, Pazo da Golpilleira…).

2.- Vídeo explicativo do alumnado.

- Descrición do Pazo de Vista Alegre.

- Situar os monumentos na liña da historia.

- Explicar que a nosa vila foi a primeira en declarar a independencia aos franceses.

- Conservación e protección de monumentos.

- Busca de información.

- Lingua Castelá

- Ciencias Sociais

- Contidos transversais (coidado do medioambiente)

- TICs

1.- Elaboración da parte do libro correspondente a HISTORIA DO NOME DAS RÚAS(Dr. Tourón,Praza da Independencia…)

2.- Vídeo explicativo do alumnado.

-Coñecemento da historia e cultura da nosa vila.

- Busca de información.

- Realización de planos e itinerarios (3º trimestre)

- Conservación do medioambiente.

- Matemáticas.

- Ciencias Sociais.

- Ciencias da Natureza.

- TICs.

- Contidos transversais

1.- Elaboración da parte do libro correspondente a ORIXE DA HISTORIA DAS FESTAS da nosa vila( S. Roque, Sta. Rita…)

2.- Vídeo explicativo do alumnado.

3.- Plano de Vilagarcía de Arousa.

4.- Lenda da “ Casa das 1000 ventás”

5.- Saída cultural pola vila.

-Coñecer a cultura, tradicións, lendas e refráns relacionados coa vila.

- Traballar valores relacionados có embalse de Castroagudín (aforro de auga…).

- Situar os monumentos e rúas traballadas no Plano de Vilagarcía, ademais dos domicilios do alumnado.

- Lingua Galega

- Ciencias Sociais.

- Ciencias da Natureza.

- TICs.

- Matemáticas.


Cómpre sinalar que debido aos grupos burbulla non se podían realizar as exposicións orais nas aulas polo que decidimos realizar un vídeo explicativo de cada unha das partes do libro e expoñelo na páxina web do centro para achegar a todo o alumnado e familias o noso proxecto.


 

4ºA e 4ºB da Lomba

 

No primeiro trimestre deste curso 2020-2021 os grupos de 4ºA e 4ºB tivemos que facer un cambio, por motivos alleos a nós, e comezamos polas actividades do :

PRODUTO 3: LUGARES HISTÓRICOS NO NOSO CONCELLO.


As actividades programadas e realizadas foron:

  • Estudo da “Prehistoria de Vilagarcía” (antes do s. XV): pazo de Vista Alegre, convento de Vista Alegre, Castro Alobre, Monte Lobeira, Cemiterio inglés, petroglifos de Bamio,

  • Localización deses lugares no mapa, empregando “Google Maps”.

  • Traballos individuais de fotografías e recompilación de información como tarefas extraescolares.

  • Elaboración de traballos escritos coa información recadada e envorcado á páxina web do centro.

  • Visita á “Casa das mil ventás” (Pazo dos duques de Terranova”).

  • Montaxe dun puzzle xigante da “Casa das mil ventás” e exposición do mesmo no corredor do 2º andar.

  • Elaboración dunha montaxe de vídeo por Halloween con fotos da visita á “Casa das mil ventás”.

  • Elaboración dunha montaxe de video coas fotos individuais que fixeron e fotos antigas de lugares históricos de Vilagarcía.


A actividade da visita a Cortegada programada xunto cos estas tarefas e actividades, posponse para ver se hai posibilidade de realizala a finais de curso.


Todas estas actividades realizáronse tanto de modo individual como grupal, favorecendo a cooperación, a valoración e o respecto polo traballo e produccións propias e alleas fomentando o traballo conxunto entre as dúas clases (4º A e 4ºB).


As áreas traballadas con estas actividades foron: lingua castelá, lingua galega, ed. plástica, ed. física, matemáticas, cc.naturais, cc. sociais e ed. en valores.


GALERÍA

Tanto as fotos como as montaxes de vídeo poden verse na aula virtual, na páxina web do centro ou no blogue da biblioteca.


VIDEO: “La casa de las 1000 ventanas y los moradores de A Lomba”.

https://youtu.be/C4GTsyT_HrU


VIDEO: “Vilagarcía histórica”

https://youtu.be/21mP9je-jvs


No segundo trimeste deste curso 2020-2021 os grupos de 4ºA e 4ºB fixemos as actividades programadas e complementarias ao traballo do primeiro trimestre.


PRODUTO 2: Elemento multimedia. “Personaxes célebres de Vilagarcía e arredores”


  • Recabar información a través da busca en libros, internet e transmisión oral de familiares, sobre personaxes da zona que foron tan relevantes que quedou Constanza deles en libros, nomes de rúas, prazas, estatuas, placas conmemorativas…

  • Investigación sobre a historia de cada unha destas celebridades. Busca de fotos e localización de estatuas, rúas e placas de homenaxe.

  • Envorcado da información nun elemento multimedia que se engadirá en forma de libro dixital da nosa páxina da aula virtual.

  • Lectura de poemas da escritora Xaquina Trillo (poetisa) polo día da muller.

Os personaxes célebres incluídos no noso libro dixital colgado na páxina do curso de 4º na aula virtual son: Castor Sánchez, Ramiro Carregal, Rosa Diz, doutor Manuel Tourón, José Fontán, Antón Paz, Enrique Valdés Bermejo, Xaquín Chaves, Xaquina Trillo, Carlos Blanco, Felipe Rodríguez (“Pantera”), Víctor Viana, Manuel Jiménez e o doutor Xosé Moreira Casal.

A visita grupal aos puntos máis relevantes nos que hai algún elemento en homenaxe a estas celebridades posponse para o vindeiro trimestre xa que non se deron as condicións climatolóxicas axeitadas para poder realizala.

Todas estas actividades realizáronse tanto de modo individual como grupal, favorecendo a cooperación, a valoración e o respecto polo traballo e polas producións propias e alleas fomentando o traballo conxunto entre as dúas clases (4º A e 4ºB).


As áreas traballadas con estas actividades foron: lingua castelá, lingua galega, ed. plástica, matemáticas, cc. sociais, TIC.s e ed. en valores.


Fotos da celebración do día da muller.

Na semana do 8 ao 12 de marzo, os nenos e nenas de 4ºB recitaron uns poemas da poetisa vilagarciana XAQUINA TRILLO pola celebración do DÍA DA MULLER.

 


 

No terceiro trimestre deste curso 2020-2021 os grupos de 4ºA e 4ºB fixemos unha pequena variación sobre as actividades programadas xa que se deron mellores condición climatolóxicas para completar o traballo iniciado no segundo trimestre.


PRODUTO 3: Elemento multimedia. “Estudo das nosas rúas e visita aos monumentos conmemorativos de Vilagarcía”


  • Recabar información sobre as persoas, feitos ou celebración que dan nome ás rúas nas que viven os rapaces das nosas aulas.

  • Buscar os elementos que resaltan na rúa onde vivimos e que a fan doada de localizar para os demais.

  • Busca en planos e Google maps a ubicación das nosas rúas.

  • Realización dun traballo escrito individual sobre a información recabada e envorcado nun elemento multimedia que será colgado na aula virtual do curso.

  • Roteiro polas rúas e visita aos monumentos conmemorativos facendo unha xincana para dar rematado na estatua na honra do boxeador “Pantera”.

  • Comida e tarde de xogos na Praia de Vilaxoán.


Todas estas actividades realizáronse tanto de modo individual como grupal, favorecendo a cooperación, a valoración e o respecto polo traballo e polas producións propias e alleas fomentando o traballo conxunto entre as dúas clases (4º A e 4ºB).

Hai que darlle os parabéns a too o alumnado deste curso xa que se cumpriron todas as expectativas de traballo coa dificultade engadida de cumprir todos os protocolos COVID, como por exemplo nos desprazamentos.

Todos os desprazamentos foron a pé e facendo roteiros en grupos separados para non romper os grupos burbulla.

As áreas traballadas con estas actividades foron: lingua castelá, lingua galega, ed. plástica, matemáticas, cc. sociais, TIC.s e ed. en valores.


Cabe dicir que foi un tema que lle interesou moito aos rapaces, sobre todo pola proximidade dos lugares de traballo e que, en moitas ocasión, cada un traballou sobre a mesma rúa na que vive.

Pasárono moi ben en todas as actividades aínda que foi unha mágoa non poder compartir todas experiencias estando todos xuntos.

Agardamos que esta situación mellore para o vindeiro curso.


Exemplos dalgúns traballos realizados por rapaces de 4ºB

Eu chámome Paula Ferro Mouriño e vivo na rúa Fonte da Coca. 



Este é un lugar onde, desde hai moitísimos anos, a xente vén a coller auga para beber nas súas casas. Tamén é un parque onde xogan os nenos e pasean os cans.


O que non sabe moita xente é que existe unha lenda sobre este lugar e vola vou contar:

Un home chamado Pablo ía deica á Feira do Vintecinco de Carril. Para non perder tempo, decidiu saír cedo da casa, tanto que aínda era noite pechada cando puxo rumbo cara alí. Ao chegar á altura da fonte, atopouse de súpeto cunha moza de longos cabelos louros e beleza suprema que non paraba de ollalo mentres gardaba as súas galiñas. Sacándoo do seu ensimesmamento, a moza preguntoulle a onde ía a aquelas horas tan temperás. Aínda que dubidoso, Pablo fíxolle saber que se dirixía cara á Feira. Amosando un grande interese, a moza pediulle que lle mercase unha clave de ouro para o galiñeiro, xa que as aves non paraban de se lle escapar. 

  • Pero tráema agochada para que non lle dé o sol, senón non a quero.

Preguntándolle que gañaba el con iso, a moza respondeulle:

  • Dareiche cen pezas de ouro

E alá continuou Pablo o camiño deica Carril, cavilando se o que lle prometera aquela extravagante muller sería verdade. Unha vez na Feira, acordouse do favor pedido pola moza e, buscando entre a multitude, atoupou a un home facendo zocos. Así, ocorréuselle pedirlle un anaquiño de madeira a modo de clave que servise coma peche para o galiñeiro. Ao rematar as compras, desfixo o camiño para chegar de novo á súa casa. Á pasar pola fonte, atopouse outra vez coa muller coidando das súas aves. Inmediatamente, requiriulle o tan prezado obxecto. Desta forma, Pablo sacou o anaco de madeira e deullo, ao que a loura respostou meténdose nun furado da fonte e saíndo cun saco cheo de ouro.

  • É para min?

  • Si, pero cunha condición: non podes miralo ata chegar á túa casa.

Sen entender moi ben o por qué daquela absurda prohibición, o home colleu o saco e continuou o camiño de volta ao seu fogar. Mais, unha vez cruzado o río, non foi quen de resistirse a abrir o saco para comprobar se efectivamente contiña no seu interior as cen moedas prometidas. Inesperadamente, todo o ouro comezou a se tornar carbón no mesmo momento de abrilo.

  • O meu ouro, o meu ouro! Todo o meu ouro se converteu en carbón por idiota! De non telo mirado, agora seríamos todos ricos!

E este é o motivo polo que o terreo anexo á Maroma onde aconteceu tal desgraza é coñecido actualmente coma “O Ouro”, na honra do home que, froito da impaciencia, perdeu a oportunidade dunha vida acomodada en cuestión de segundos.”



Desde a miña casa podo ver o parque da Coca coa fonte, un bazar chinés, unha fábrica de metal, o supermercado Alcampo e Mapfre.

O que máis me gusta da niña rúa é A MIÑA CASA.





O meu nome é Mathías Lizárraga Chávez e vivo na rúa Alejandro Cerecedo.

Esta rúa atópase entre a rúa Castelao e a avenida do Doutor Tourón. O nome desta rúa está adicado a Alejandro Cerecedo, un profesor dunha escola de rapaces que se chamaba LEÓN XIII e estaba onde hoxe se fai o mercadillo.

Este Mestre foi a Inglaterra a completar os seus estudos e ao volver fundou unha academia. Por todo este traballo de ensino a tantos rapaces, se decidiu pedir que se lle puxera o seu nome a unha rúa de Vilagarcía.

Tamén ten unha escultura co seu busto nos xardíns do Doutor Fleming.


Desde a niña rúa podo ver o parque da Xunqueira, a Praza de España, o Centro Comercial, a panadería Yoli e a tenda Emilio Iglesias.

O que máis me gusta da miña rúa é o Parque da Xunqueira.




 

Somos Iria Varela Besteiro e Chiara Hernández Placer e vivimos na rúa Vilaboa de Sobradelo

Moi pretiño da nosa casa hai unha fonte moi antiga e coñecida da que vos deixamos unha fotografía

 




Chámome Rbison Hernando Villamil Ibarra aínda que todos os meurs amigos chámanme Nando, vivo no paseo García Caamaño.



 

Dende aquí podo ver o parque da Xunqueira, un dos lugares máis coñecidos de Vilagarcía e onde moitas veces cobran protagonismo as festas de Santa Rita co Mercado Medieval e de San Roque con concertos, fixen unhas cantas fotos para que coñezades o lugar.