Vive en harmonía coma os peixes na Ría, PAZ

 Este foi o lema elexído para conmemorar o "Día escolar da Non violencia e a Paz" no noso centro como ben comentabamos onte.

No patio cantamos e bailamos e canción de "Capaz coa Paz" Escoitamos unhas frases de diferentes personaxes famosos sobre a Paz no caso do Anexo e na Lomba unha reflexión que escribiron dende a clase de 6º, despois de traballar e razoar sobre este tema, baixando á nosa realidade, ás cousas que nós podemos e debemos facer (ou non) para que a convivencia sexa agradable no colexio.

Por suposto, como non podía ser doutro xeito, a lectura formou parte deste día. Os de 6º no Anexo e os Voluntarios da biblioteca na Lomba, foron polas aulas facendo lecturas de dous contos moi bonitos como son "Nadarín" e "O peixe Arco da Vella" nos que xuntamos o noso PDI e a Paz.

Nas diferentes aulas tamén adornaron e fixeron máis actividades, para que non sexa só un día, e cuns murais moi chulos adornamos os corredores do centro e cada vez que os vemos, lembramos á mensaxe que nos transmiten. E dende 2ºB tivemos unha colaboración especial, debuxo incluído, coa reflexión persoal do bo trato, que fixo Ainhoa.

Bicos mollados.

Rosalía

Preparados para a PAZ

 Olaaa,

temos todo xa preparado para mañá, día no que se celebra o Día escolar da non violencia e a Paz.  Nos dous edificios fixemos unha montaxe cos lemas: "Vive en harmonía como os peixes na ría" "Non caias na rede, sé solidario" Nas aulas traballaron en equipos falando sobre que é a Paz e que podemos facer no colexio para conseguir unha mellor convivencia. 

Dentro dos peixes puxeron as mensaxes e os pensamentos que axudan a que todo funcione mellor, boas propostas.

 E claro, as actitudes que non son boas, as malas accións caeron dentro da rede e así podemos comprobar o negativo das malas cousas.

En fin, que mañá cantaremos a canción deste ano ao rematar o recreo, lerase un manifesto e tentaremos que tódolos días sexan días da Paz. Os voluntarios lerán un par de contos polas aulas para rematar esta xornada tan especial. Deixo aquí o enlace para que a practiquedes un pouco. Chámase "Capaz coa PAZ" e podemos atopala en Kókiti Música.

Capaz coa PAZ

Por se lle queredes botar un ollo, este é o expositor cunha selección de libros apropiados.

Bicos mollados.

Rosalía

O Principiño

Olaaa,

 Hoxe debullamos ao Principiño. Este pequeno, pero selecto grupo do club de lectura estivo a ler esta preciosidade de libro e no recreo falamos sobre el. Pronto teremos unha nova xuntanza para a seguinte lectura.

Bicos mollados.

Rosalía

Volve o programa Pilabot

 Ola a to o mundo,

En breve comezaremos de novo a xuntar as pilas para reciclar dentro do programa de Pilabot e así evitar que estes residuos tan contaminantes vaian ao medioambiente e o danen.

Tedes información sobre esta campaña na que varios cursos do centro participarán activamente. Comezo Pilabot

Cando teñamos máis información da data concreta da campaña no noso centro, contarémosvolo.

Bicos mollados.

Rosalía

Debullamos o Dragon ball

 Olaa,

Hoxe os de 5º tiveron reunión co profe Fernando para entregarlles o libro de Dragonball Ultimate edition e comezar a lectura das aventuras de Son Goku. 

Estaban agardando a oportunidade de comezar a súa andaina este curso e marcharon felices co libro para casa. Tan contentos e contentas que ninguén lembrou sacar unha foto para ter unha lembranza do momento. Xa se fará na vindeira reunión.😉

Bicos mollados.

Rosalía

Chegaron os Reis Magos

 Olaaaaa!!!

Xa estades de volta e por fín puiden saber que trouxeran os Reis Magos de agasallo. grazas ao voluntariado e a varias usuarias da biblioteca descubrín o misterio. E diredes vos, ¿que pediría Rosalía? Pois si😂😂😂libros e algún xogo para a biblioteca. Este ano porteime fenomenal, que a pila de libros foi ENORME. Aquí o podedes ver.

Esperemos que Mariel pronto poida ter catalogadas estas novidades para que poidades desfrutar delas.

Bicos mollados.

Rosalía