Rosalía, Sempre viva.

 Olaaa,

Xa sabedes que hoxe, 23 de febreiro celebramos o aniversario do nacemento de Rosalía de Castro. Como tódolos anos, non poden faltar nestas datas os expositores coas obras da nosa poetisa máis famosa. E xa sabedes que eu son Rosalía, a Ra que le poesía, así que podo dicir que nos parecemos en algo máis ca no nome😂

Dende o ENDL propuxeron que varios cursos escribisen versos dela e os ilustraran, e no panel da entrada da Lomba, unha grande Rosalía, co cabelo cheo de animais mariños acabou rodeada das súas obras e coa frase que dixo antes de morrer: "Abride a fiestra, que quero ver o mar" . Xustamente falaba, antes de voltar a Padrón onde finalmente finou,  do mar que vía dende a casa na que pasou un tempo en Carril, co mar da nosa ría, esa que estamos a traballar dende tantos enfoques diferentes. 

Nas aulas fixemos lecturas de poemas, geniallys  e grazas ao profe Víctor, que nos contou a iniciativa de dous rapaces de Vilagarcía que empregaron a intelixencia artificial para facer cantar a diferentes cantantes, escoitamos versos de Rosalía e vimos como se facía "máis" atraínte ás novas xeracións. Ben se lles pode dar un Like a estes rapaces😉

 Reportaxe de La Voz de Galicia

Bicos mollados.

Rosalía

Club de lectura

 ¡Olaaaa!

Estes días estivo a biblioteca moi animada.

 O 16 de febreiro os de 6ºA reuníronse coa profe Mariel que lles presentou un manga diferente, "Ratón de biblioteca", non é de superheroes, é mais da liña de Mariel. Unha rapaza á que lle encanta ler e que morre nun accidente e esperta reencarnada nunha nena pequena, que está enferma e que vive nun mundo no que, HORROR!! case non hai libros e ademais están escritos nun idioma descoñecido!!! ¿Podedes imaxinar algo máis triste?😢 Así de principio non era o que agardaban desa reunión do club, pero decidiron darlle unha oportunidade. Pronto veremos se foi unha boa elección.

O 19 foron os de 5º os que se reuniron co profe Fer e viron e escoitaron un rap no que se fala precisamente das personaxes do libro de Dragonball que levaran para ler. Era bastante longo e non escoitaron todo, pero serviu para ver a visión das personaxes que ten outra xente. Ademais desfrutaron das figuriñas que lles levou Fernando sobre a serie, e que case son coma fillos para el, pois levan na súa casa unha morea de anos.

E hoxe os de 6º reuníronse con Mariel e falaron sobre o Misterio de Portomarín. De seis integrantes do club, a catro gustoulles a historia e a dúas non. Isto é o que ten a lectura, non a todo o mundo lle gusta o mesmo, pero os clubs non só é dicir de que vai un libro, senón que sensacións nos produce a lectura, que partes nos agradan, que partes non... e como este grupo é super lector, non quixeron marchar sen levar xa outro libro debaixo do brazo. Neste caso "Estudios Tex" se vos dades conta, xa houbo quen nin mirou á cámara, que xa estaba enganchado nas silvas!!😂

Bicos mollados.

Rosalía

11F Día Internacional da muller e a nena na ciencia 2024

 Olaa,

Este ano a conmemoración caeu de cheo no Entroido, así que á volta foi cando puidemos traballar un pouco esta data.

Como na biblioteca estabamos metidos en poucas cousas, este ano tamén comezamos cos Polos Creativos. Dentro das primeiras actuacións metemos os Kits Singulares con propostas sobre a ciencia e as mulleres e xa tivemos facendo papiroflexia e descubrindo facianas de científicas nestes traballos.

  Tamén temos vídeos para aprender moitas curiosidades, Botádelle un ollo, xa veredes como vos gustan.

Vídeos para aprender

Bicos mollados.

Rosalía