Amosando publicacións coa etiqueta Rosalía de Castro. Amosar todas as publicacións
Amosando publicacións coa etiqueta Rosalía de Castro. Amosar todas as publicacións

luns, 24 de marzo de 2025

A poesía na vida

 Olaa,

A rapazada de 6º do Anexo está de festa!! E non pode ser menos, coma en edicións pasadas, participaron no certame de poesía "Rosalía sempre viva", que celebra a Casa Museo de Manuel María. Na súa novena edición na categoría de 4º, 5º e 6º de educación primaria  acadaron o primeiro premio Pedro Crespo Araujo e como finalista, quedou David Peón  Parada.

Non hai mellor xeito de celebrar o día da Poesía. ¡¡Parabéns aos dous!!

 Ligazón ao xornal Progreso de Lugo

 Bicos mollados.

Rosalía

luns, 24 de febreiro de 2025

Rosalía sempre Viva

 Bo día,

O alumnado do centro non quixo deixar pasar a ocasión de homenaxear á miña tocaia. Dende o ENDL propuxeron ter unha nova mirada a Rosalía e por equipos nas distintas aulas, crearonse retratos dela, para facela contemporanea.

Quedaron cousas moi bonitas, divertidas, atrevidas, rompedoras, tal e como ela era.

Ademais, tendo en conta que contamos no centro cunha das integrantes da Banda da Loba, aproveitamos a súa canción "Un pelouro" baseada nun poema de Rosalía, para aprender a canción e o significado e a bravura que conleva.

A Banda da Loba 



 
 


E por suposto, dende a biblioteca, puxemos a disposición de todo o mundo as bibliografía que temos sobre ela.

E mirade que cousas máis bonitas saíron das diferentes aulas e as diferentes versións dunha Rosalía actual.

 



Bicos mollados.

Rosalía

xoves, 16 de maio de 2024

Poemas polas Letras Galegas

Olaa,

Este ano está adicado a Mª Luisa Villalta e na biblioteca temos biografías e libros dela para aprender un chisco sobre a súa vida. 



 

O centro participou xunto con outros colexios nu acto realizado no Auditorio Municipal.O alumnado de 5ºC asistiu á celebración e estiveron no escenario ensinando a todo o mundo o ben que o fan. Mirade os vídeos e dicide se minto😊


Bicos mollados.

Rosalía


sábado, 2 de marzo de 2024

Rosalía sempre viva

 

 Ola a todo o mundo!!

Xa é o terceiro ano que alumnado do anexo participa no concurso "Rosalía sempre viva". Este ano unha rapaza de 5º C, Daniela Otero Fernández foi seleccionada para a final na Casa Museo Manuel María, en Outeiro de Rei, Lugo. Hoxe foi a final e levou unha mención pola súa interpretación. Non levou un dos grandes premios, pero ter o valor de se presentar e chegar a final, onde recitou diante de tanta xente descoñecida con ese saber estar, demostra que verdadeiramente é unha campiona. ¡¡Ben fachendosos podemos estar dela!!

Eu estou dobremente contenta, xa sabedes que eu son "Rosalía, a ra que le poesía" así que este tipo de actividades onde falamos de poesía e de Rosalía, fan que non pare de dar chimpos de ledicia na miña lagoa.

Aquí vos deixo unhas fotos e máis o vídeo para que comprobedes o ben que o fixo. ¡¡Parabéns de novo, Daniela!!


Bicos mollados.

Rosalía

venres, 23 de febreiro de 2024

Rosalía, Sempre viva.

 Olaaa,

Xa sabedes que hoxe, 23 de febreiro celebramos o aniversario do nacemento de Rosalía de Castro. Como tódolos anos, non poden faltar nestas datas os expositores coas obras da nosa poetisa máis famosa. E xa sabedes que eu son Rosalía, a Ra que le poesía, así que podo dicir que nos parecemos en algo máis ca no nome😂



Dende o ENDL propuxeron que varios cursos escribisen versos dela e os ilustraran, e no panel da entrada da Lomba, unha grande Rosalía, co cabelo cheo de animais mariños acabou rodeada das súas obras e coa frase que dixo antes de morrer: "Abride a fiestra, que quero ver o mar" . Xustamente falaba, antes de voltar a Padrón onde finalmente finou,  do mar que vía dende a casa na que pasou un tempo en Carril, co mar da nosa ría, esa que estamos a traballar dende tantos enfoques diferentes. 

Nas aulas fixemos lecturas de poemas, geniallys  e grazas ao profe Víctor, que nos contou a iniciativa de dous rapaces de Vilagarcía que empregaron a intelixencia artificial para facer cantar a diferentes cantantes, escoitamos versos de Rosalía e vimos como se facía "máis" atraínte ás novas xeracións. Ben se lles pode dar un Like a estes rapaces😉

 Reportaxe de La Voz de Galicia



Bicos mollados.

Rosalía


sábado, 11 de marzo de 2023

Rosalía sempre viva

 Ola a todo o mundo!!

¿Lembrades que o ano pasado participaran no concurso "Rosalía sempre viva" un alumno e unha alumna do Anexo? Pois este ano unha rapaza de 6º C, Sara del Oro Jiménez foi seleccionada para a final na Casa Museo Manuel María, en Outeiro de Rei, Lugo. Hoxe foi a final e aínda que non acadou un dos premios, ter o valor de se presentar e chegar a final, onde recitou diante de tanta xente descoñecida con ese aplomo, demostra que verdadeiramente é unha campiona. ¡¡Ben fachendosos podemos estar dela!!

Eu estou dobremente contenta, xa sabedes que eu son "Rosalía, a ra que le poesía" así que este tipo de actividades onde falamos de poesía e de Rosalía, fan que non pare de dar chimpos de ledicia na miña lagoa.

Aquí vos deixo unhas fotos e máis o vídeo para que comprobedes o ben que o fixo. ¡¡Parabéns de novo, Sara!!



Bicos mollados.

Rosalía



xoves, 9 de marzo de 2023

Pensamentos de Rosalía

 Ola de novo. Estamos que non paramos coas actividades do colexio. Entroido, Día de Rosalía, Día da Muller traballadora...

Hoxe seguindo a proposta do equipo de dinamización da Lingua Galega, o alumnado que así o quixo, compartiu con nós lecturas ou recitado de poemas de Rosalía de Castro. Un xeito de combinar o pensamento feminista de Rosalía e o 8M. Así estivemos cos expositores compartindo espazo.


Déixovos un vídeo no que podemos ver e/ou escoitar aos nosos/as recitadores/as.

Bicos mollados.

Rosalía


xoves, 23 de febreiro de 2023

23 febreiro Día de Rosalía

 Olaaa

Xa chegou o día no que homenaxeamos á miña tocaia, Rosalía de Castro. Parecémonos un pouco, eu son Rosalía, a ra que le poesía, polo tanto o nome coincide e o gusto pola poesía tamén, pero en diferente medida. Ela é a escritora de tantos poemas que fan que reflexionemos e pensemos, unha adiantada á súa época, defensora das mulleres e da súa valía. Paga a pena perderse nas súas obras.

Temos o expositor cos seus libros e ao alumnado e profesorado disposto a realizar as actividades que nos propoñen dende o Equipo de dinamización. 

Usando a prensa escrita e as revistas, elexíronse imaxes que nos provocaran sentimentos, os que fosen, e xunto coas palabras que provocan en nós e/ou debuxos para completalos, cubriremos o mural da entrada na Lomba. Si é que ao final, parece que non, pero os medios de comunicación están sempre aí, acompañando o noso PDI.  Sumamos a estes escritos,  flores de papel, flores, pensamentos, que tanto lle gustaban a Rosalía.

Para o día 9 de marzo, durante o recreo o alumnado que se achegue aos mestres/as encargados da actividade, e lles reciten un trozo dos poemas, levarán de agasallo unha bolsiña con sementes de pensamentos, para plantar nas súas casas ou no colexio, como eles prefiran. Animádevos, que é unha actividade moi bonita. Eu estarei atenta para vos escoitar.

Bicos mollados.

Rosalía

xoves, 24 de febreiro de 2022

Día de Rosalía

Os do ENDL xa teñen publicado no seu blogue as actividades que co gaio do Día de Rosalía, a miña tocaia, fixemos no colexio. Quen se achegaba e recitaba de memoria uns versos de Rosalía, levaba unha mochila para decorar e usar. Nalgunhas clases fixeron flores con pensamentos, a súa flor preferida, e no recreo, por megafonía escoitamos cancións feitas cos seus poemas ou falando dela. Podedes botarlle unha ollada neste enlace

 






Bicos mollados.

sábado, 19 de febreiro de 2022

O 23 de febreiro celébrase o Día de Rosalía de Castro

 Como cada ano, dende a biblioteca queremos poñer en valor a figura de Rosalía de Castro, a nosa tocaia.

Temos unha escolma de libros cos que podedes ler e mesmo escoitar poemas dos de Rosalía e dende o equipo de dinamización e normalización da lingua galega teñen unhas propostas para ese día https://edlgalomba.blogspot.com/2022/02/pensamentos-de-rosalia.html. Se aprendedes un par de estrofas de calquera dos seus poemas, agás do de "Adios ríos, adios fontes" no recreo do 23 levaredes unha mochila para decorar ao voso gusto. Así que xa sabedes, ¡¡a aprender e recitar algún deles!!


Bicos mollados.

Rosalía