PDI 3ºC e 4ºC

 Ola, desta volta vai o traballo de 3º e 4º do Anexo.

1º PERÍODO

Comezamos a nosa andadura investigando sobre os medios de comunicación usados polos nosos antepasados: sinais de fume, palomas mensaxeiras, pinturas rupestres…, comparando estes cos medios actuáis.

Fomos visitar unha exposición de selos ao edificio da Lomba e tivemos unha charla moi interesante sobre como se desenvolve o traballo en Correos e cal é a finalidade dos selos nas cartas e paquetes. Despois disto afondamos un pouco máis no tema e realizamos traballos e exposicións orais dos mesnos aos nosos compañeiros.

Recordamos o que sabiamos sobre linguaxe de signos e cantamos unha panxoliña coa linguaxe de signos.

2º PERÍODO

Volvimos a traballar sobre a linguaxe de signos e o Braille a través da lectura comentada do libro “Palabras de Caramelo”.

Traballamos os textos escritos en diferentes formatos: cartas, entrevistas, noticias… para recoller os diversos acontecementos ocurridos no centro ao longo do curso, co fin de participar na revista que ía ser levada a cabo por todo o centro Anexo, e que finalmente non se realizou.

CONCLUSIÓN

Aínda que houbo cousas que estando programadas non se fixeron, todo o traballado despertou moito interese nos alumnos, destacando, entre outros, a exposición de selos e a lectura do libro.

Bicos mollados.

Rosalía