xoves, 13 de marzo de 2025

Contacontos "O lobo feliz"

 Boas tardes,

hoxe tivemos a sorte de contar con Miguel Guido, o autor deste libro, que estivo no Anexo para nos contar a historia.

 

A rapazada toda de infantil puido aproveitar para coñecer mellor as aventuras deste lobo, porque había unha vez un lobo grande e negro que vivía moi lonxe da xente e moi triste, porque ninguén o quería cerca.
As historias do temido lobo feroz asustaban a xente que o xulgaba sen coñecelo. E el só quería SER FELIZ , así que lle preguntou a outros animais do bosque como facían para seren felices. Mais as receitas dos demais non valían para el, ata que a sabia curuxa deulle un consello que cambiaría a súa vida ... 




Ata aquí podo contar, se queredes saber máis, xa sabedes, pedide o libro en préstamo na biblioteca 😉
 
Bicos mollados.
Rosalía

xoves, 6 de marzo de 2025

Entroido na Xunqueira

 

Pasámolo moi ben, ademais aprendimos unha canción feita por e para nós que bailamos  o colexio enteiro.

Os de 3º da Lomba fixeron o seu Enterro da Sardiña particular, para o que, coa música "O Gato" inventaron coplas para unha nova versión, repartiron as esquelas entre os asistentes e choraron os mil chorares.



 

luns, 24 de febreiro de 2025

O Entroido está en camiño

 Olaaa,

Este ano, como non podía ser doutro xeito, o Entroido tamén ten relación co noso PDI "Folk na Lomba" e aproveitamos para aprender un pouco máis sobre as tradicións populares que temos en toda Galicia. Así cada Ciclo/ nivel elexiu un disfrace recreándo estas tradicións e xuntaranse os dous centros no parque da Xunqueira, para facer un pasarrúas  ata aló e actuar.

Polo de pronto, xa temos as mandadas do Meco. 

Para que se soubera de que ían ir as demais aulas, realizouse un pequeno vídeo explicando que son de /ou de onde veñen estes disfraces.

 


Tamén aprendemos unha canción que todo o mundo cantará ao rematar as actuacións.

Canción do Entroido (clica aquí)

Bicos mollados.

Rosalía

Rosalía sempre Viva

 Bo día,

O alumnado do centro non quixo deixar pasar a ocasión de homenaxear á miña tocaia. Dende o ENDL propuxeron ter unha nova mirada a Rosalía e por equipos nas distintas aulas, crearonse retratos dela, para facela contemporanea.

Quedaron cousas moi bonitas, divertidas, atrevidas, rompedoras, tal e como ela era.

Ademais, tendo en conta que contamos no centro cunha das integrantes da Banda da Loba, aproveitamos a súa canción "Un pelouro" baseada nun poema de Rosalía, para aprender a canción e o significado e a bravura que conleva.

A Banda da Loba 



 
 


E por suposto, dende a biblioteca, puxemos a disposición de todo o mundo as bibliografía que temos sobre ela.

E mirade que cousas máis bonitas saíron das diferentes aulas e as diferentes versións dunha Rosalía actual.

 



Bicos mollados.

Rosalía

luns, 17 de febreiro de 2025

Dinosauros na Lomba

 Olaaa,

O alumnado de 5 anos da Lomba estivo traballando e experimentando un montón no seu "laboratorio" sobre os dinosauros.

Con todo o aprendido, quixeron que nós tamén poidamos aprender e fixeron esta montaxe coa axuda da profe Estrella, os seus debuxos, as súas voces. ¿A que é unha marabilla? Como presta ter investigadores así no colexio.

 

Bicos mollados.

Rosalía

venres, 7 de febreiro de 2025

Fomentando o Club de Lectura "Debullando contos"

 Olaaa,

¿Quen mellor que pate das integrantes do club para tentar convencer de que é unha actividade moi chula?

Nós podemos dicir moitas cousas, pero elas o contan de maravilla. Aí quedan as recomendacións de Uxia,de 6C y Antia de 5C para ver se vos convencen e cada vez somos máis.

Bicos mollados.

Rosalía


mércores, 5 de febreiro de 2025

Voluntariado axudando ao máximo

 ¡¡¡Que sorte que temos!!!!

O voluntariado da biblioteca está a traballar a reo e sempre cun sorriso na cara que fai que os recreos pasen a toda velocidade. Estamos metidos nesta voráxine de cambio de sistema de préstamo e catalogación do Meiga, que é o que aínda temos, ao Koha, que será en marzo. Entre moitas das cousas que temos para facer neste momento, unha delas é ir poñendo uns adhesivos cun código de barras xerado a cada un dos libros da biblioteca, pero non ao chou, cada un no exemplar correspondente. Podedes imaxinar como anda de tolo o equipo de biblioteca!!!

Pois polo de agora están a ordenar por sinatura os lotiños para poder ir pegando cada código en cada libro. Axudan o o que non está escrito. Non me extraña que o curso pasado levaran o premio de estar entre os 10 mellores voluntariados de Galicia.



Bicos mollados.

Rosalía

xoves, 30 de xaneiro de 2025

Día escolar da Non violencia e da Paz

 Olaa,

Todos os cursos e niveis participaron dunha ou doutra forma para realizar os murais que fixemos para este día. O alumnado de infantil e do 1º ciclo facendo mans que formaron o chan e a herba, os de 3º as pombas co lema deste ano: "Cantando e bailando, a Paz imos sementando" os de 4º e 5º as flores e follas co símbolo da Paz nelas e 6º coas frases e nomes de personaxes famosos en relación con ela.

Na Lomba, despois de varias semanas nas que parte do voluntariado da biblioteca, decidiu implicarse no mural que fixemos para este día, hoxe por fin rematamos e quedou listo. Partiu deles a idea de que os personaxes que participaban no mural, tiñan que representar a diversidade que existe na vida, que todo o mundo, sexa como sexa forma parte dela. Así temos persoas con vitíligo, cunha perna ortopédica, pasando un cancro... e todas elas están a gozar da vida, pois o primeiro de todo é que sexamos coma sexamos, nos levemos ben. Temos que lle agradecer tamén á profe Mónica que fixo de costureira para a roupa que se lle puxo a parte das personaxes.




A canción que se traballou este ano foi a de Paco Nogueiras "Apertas que voan" das que vos deixo a letra que se traballou en todas as aulas, pois se cadra máis que nunca neste momento temos que pensar no que significan as fronteiras que nos apartan e o pouco sentido que teñen salvo xeograficamente pola delimitación dun territorio, pero que non deberían ser máis ca iso.

 

















No patio cantamos e bailamos e mesmo en informática xogamos nas páxinas de Cokitos con actividades relacionadas.

 

En infantil sementaron e levaron a Paz as súas casas e unhas pombas, en 1º levaron unhas coroas, en 3º levaron uns lentes de paz... vamos, que por traballar nela non é, pero as veces da peniña pensar que temos que falar dela, cando segue a haber tanta guerra polo mundo adiante.

 

Dende a biblioteca recomendamos lecturas que se fixeron nas diferentes aulas coas nosas propostas.

Bicos mollados e cheos de esperanza e PAZ.

Rosalía

luns, 20 de xaneiro de 2025

Teatro na Biblioteca

 Olaaaa,

Hoxe parte do alumnado de 5º e 6º da Lomba usaron a biblioteca para ir ensaiando a obra de teatro que están a preparar xunto co profe Victor. Moitos destes actores e actrices tamén forman parte do voluntariado e mesmo dos clubes de lectura. 

¡¡¡Non nos chegan os recreos para facer todo o que queremos facer!!! Da gusto ter un alumnado tan implicado nas dinámicas do centro. Igual nuns anos vémolos na gran pantalla😊



Bicos mollados.

Rosalía

domingo, 19 de xaneiro de 2025

PILABOT

 Siiii, lestes ben, PILABOT!!!!

De novo entramos na campaña de Pilabot para recoller e reciclar pilas e baterías, que se somos dos que máis recollemos entre todos os centros ademais levariamos un premio, pero o que realmente nos importa é conseguir que non queden as pilas tiradas no lixo, que iso contamina moitísimo.

Pronto entregaremos nas aulas que participan, as caixiñas para ir recollendo nas casas este material, e se temos sorte e somos dos centros seleccionados, tamén teremos unha formación para ter moi, moi claro como é isto da recollida e reciclaxe de pilas.

Por se queredes ir botando un ollo, aquí vos deixo enlace á súa páxina. PILABOT 

Bicos mollados.

Rosalía

mércores, 8 de xaneiro de 2025

Agasallos dos Reis Magos

 Bo día!!!! 

Xa estamos de volta no colexio e tivemos moita sorte, porque os Reis Magos pasaron tamén pola biblioteca e deixaron agasallos para nós. Como non podía ser doutro xeito, xa que eu escribín a carta, o que pedín foron libros e tamén xogos e música, que para o PDI deste ano veñen moi ben.

Aquí vos deixo unhas fotos nas que parte do alumnado de infantil, que estaba na biblioteca, axudou a abrir os paquetes e descubrir que había dentro. ¡¡Mi madriña!! que velocidade desenvolvendo, nótase que tiñan experiencia na casa, que antes case de ver o que estaba abrindo o primeiro, xa estaba todo todo fora😂😂😂


 





Xa me diredes se vos gustaron ou non.

Bicos mollados.

Rosalía