Amosando publicacións coa etiqueta Mochilas viaxeiras. Amosar todas as publicacións
Amosando publicacións coa etiqueta Mochilas viaxeiras. Amosar todas as publicacións

venres, 15 de novembro de 2024

Mochilas viaxeiras do Anexo

 Olaa, 

Aquí as temos, preparadiñas en rampa de saída, para ir ás casas do alumnado do Anexo. 

Hoxe polo Magosto marcharán e poderán ter unha chea de libros e xogos cos que estar coa lectura en familia. ¿que máis se pode pedir? Unha manchea de castañas e un libro.



Bicos mollados.

Rosalía

xoves, 24 de outubro de 2024

Día das Bibliotecas e comezo da viaxe das Mochilas Viaxeiras

 Olaaa, hoxe estou moi contenta porque é o día das Bibliotecas. 

O 24 de outubro de 1997 celebrouse por 1º vez o Día das Bibliotecas algo que impulsou a Asociación de Amigos del Libro Infantil y Juvenil, e á que se foron sumando, xa dende hai algún tempo, o propio Ministerio de Cultura e todas as administracións autonómicas. 

O blog da Asesoría de bibliotecas escolares galegas danos esta información: 

O lema deste ano, "Por un futuro sostible", pretende destacar o papel fundamental que desempeñan todas as tipoloxías de bibliotecas (públicas, escolares, universitarias, especializadas e nacionais/rexionais) na consecución dos Obxectivos de Desenvolvemento Sostible da Axenda 2030.
A través das súas coleccións, servizos e actividades con usuarios, as bibliotecas contribúen a construír unha sociedade cada vez mellor informada, máis igualitaria, solidaria e xusta, plenamente consciente da necesidade de levar un modo de vida sostible como compromiso coas xeracións futuras. 
 
Porque as bibliotecas escolares galegas somos unha ferramenta ao servizo da comunidade educativa ofrecemos recursos, información e apoio, somos lugares que contribúen á formación dunha cidadanía crítica, activa e comprometida. 
 
 E na lagoa, para celebralo, o voluntariado foi polas aulas da Lomba repartíndoas e explicando o seu funcionamento, despois de teren revisado que todo estivese correcto, que tiñan o listado, as instrucións, o caderno viaxeiro e os diferentes libros, xogos e Dvds.
 
Fixérono moi ben, houbo quen foi so e outros que preferiron ir acompañados, hai para todos os gustos.
O importante é que empecen a súa andaina polas casas do noso alumnado de primaria.











Mágoa que non poidamos escoitar moito o ben que explicaron o funcionamento destas mochilas, con voluntarias así da xenio estar na Lagoa😍
 
No edificio do Anexo, comezarán a súa andaina co Magosto, coma os trompos: "Polo San Martiño, trompos ao camiño" pero desta volta será "Polo San Martiño, mochilas ao camiño!"
 
Bicos mollados.
Rosalía

luns, 3 de xuño de 2024

As mochilas viaxeiras empezan a retornar

 Ola,

Nalgunhas aulas do anexo hai mochilas que xa remataron a súa andaina e volven á biblioteca. 

Queremos compartir con todos vós algunhas das cousas bonitas que fixeron nos cadernos viaxeiros que acompañan ás mochilas onde contan que foi o que máis lles gustou ou o que non lles gustou. Hai verdadeiros artistas!!!






Bicos mollados.

Rosalía


mércores, 25 de outubro de 2023

Día das Bibliotecas

 O noso voluntariado, presentou nas aulas da Lomba as Mochilas viaxeiras deste curso. Comprobaron se estaba todo en orde, libros , DVDs, xogos... e foron polas aulas explicando o funcionamento a todo o mundo, porque hai alumnado novo no centro e tamén profesorado. Así ninguén ten dubidas.

Esta biblioteca xa está rodando. Como presta velos axudando.






Bicos mollados.

Rosalía


luns, 24 de outubro de 2022

Día das bibliotecas

 Olaaaa!!

Hoxe, 24 de outubro é o Día das Bibliotecas e arrincamos a viaxe das nosas "Mochilas Viaxeiras" da man dos nosos voluntarios/as. Foron polas aulas explicando o seu funcionamento, por se alguén dende o curso pasado o esquecera e a presentar de novo que os luns e xoves que baixemos ao patio poñeremos en funcionamento o bibliopatio. Por mor da choiva, non puidemos estrear o noso "Bibliopatio", pero en canto escampe, sairá ao recreo de novo.







Graciñas a todos eles.

Bicos mollados.

Rosalía