Club de lectura e mellores lectores e lectoras

Se xa onte estaba toda emocionada coa entrega de diplomas do voluntariado, hoxe foi por partida dobre. Por unha banda, unha vez mirado o programa Meiga, que é co que facemos o préstamo nesta lagoa, tivemos 14 persoas que levaron ás súas casas máis de 20 libros, e isto ten un premio. A mellor lectora foi Mía D'innocenzo e a que máis libros compartiu coa familia, Yanira Alves.

Por outra banda, as persoas que participaron nos diferentes grupos do club de lectura, "Debullando contos" tamén recolleron os diplomas e os pequenos agasallos que se lles entregaron como recoñecemento a tantos recreos debullando. Dende aneis de Naruto a marcapáxinas de Harry Potter feitos na impresora 3D do centro. A biblioteca é un círculo que se retroalimenta.

Da gusto ver tanto alumnado interesado na lectura e mirar as súas caras de alegría💘💘

Agardamos ver moitas destas caras o curso que ven, maila que sabemos que o alumnado de 6º non poderá, que comezan unha nova andaina no instituto. Igual que lle dixen onte ao voluntariado, espero que alí tamén poidan participar da vida da biblioteca escolar.

Bicos mollados.

Rosalía

Debullando en 4º

 Olaaa. 

O alumnado de 4º levou para a súa casa o libro "Formig4s, misión Rosalía" e seguro que axudan a Formos4, Formil e demais familia a rescatar a Rosalía, a miña tocaia.

Bicos mollados.

Rosalía

Debullar, debullamos.

 Hoxe, despois de ter a reunión do club de lectura cos de 5º, falando de "Formig4s, misión Ros4lí4" parte dos membros do club, que tamén son voluntarios da biblioteca, foron por todas as aulas presentando o Logo do club "Debullando contos", para explicar que cando estivese posto nas portas de acceso a unha das zonas da biblioteca, iso quería dicir que o club estaba reunido, e que temporalmente non se podía acceder a esa zona da biblioteca. Tamén explicaron o que quería dicir "debullar", pois case ninguén o sabía.

Teño unhas fotos da reunión dos de 4º co profe Fernando para falar de Boruto, o libro que leron eles.

E teño unha foto do último día no que os de 4º remataron de ver a película de Harry Potter, que para celebralo así apareceron na biblioteca!!! Falaremos das diferencias que atoparon entre os libros e a película e que lle gustou máis, pero eso será outro día.

Bicos mollados.

Rosalía

Debullando Contos xa ten logo

 Olaaaaa. ¡Que contenta estou! Hoxe os de 6º do club de lectura viñeron a biblioteca para teren a súa reunión e empezar a ler o seguinte libro proposto "O misterio de Portomarín" de Antía Yáñez. Iso xa fai que estea contenta, pero é que hoxe presentamos o logo do noso club de lectura. 

Unhas vainas de chícharos das que saen os contos debullados, Penso que lles gustou, mirade senón as súas caras e dicide que opinades. 

Poñeremos na porta da biblioteca colgado o cartaz para avisar a todo o que pase por diante que dentro estamos reunidos.

Bicos mollados

Rosalía

Dr. Slump 1 e 2

 Hoxe no club de lectura, o profe Fernando reuniuse cos de 5º que levaran Dr. Slump 2, pero que como algún non lembraba ben o nº 1, levaron os dous libros polo prezo dun, que aquí tamén facemos ofertas.

Falaron das diferencias entre o manga e o anime. Estivo moi interesante e eu aprendín moito, porque manga son os libros e anime as versións en formato debuxos animados. Como a mesma historia en función do formato na que a vexas varía, as cores que se lle poñen no anime e que no manga son en branco e negro e as diferentes doblaxes das series, en V.O.S. en castelán e en galego. O alumnado dicía que estaban máis condensados nos libros, que o que en anime eran dous ou tres cápitulos, correspondían a un de manga.

Bicos mollados.

Rosalía
 

Debullamos Manga e debullamos Cine

 Xa está en funcionamento o club de lectura de manga. Nesta ocasión foi o grupo de 5ºA o que se levou para casa o libro de Dr Slump 2. Como algún non lembraba moi ben o número 1, o profe Fernando ofreceulles a posibilidade de levar os dous exemplares, o 1 para referescar e o 2 para poder comentar.

 E os de 4º empezaron coa película de "Harry Potter y la cámara secreta" para poder comparar e apreciar as diferencias entre o libro e a película.

Xa nos contarán.

Bicos mollados.

Rosalía

O club de lectura non para

 Hoxe no recreo foi o turno para outro grupo de 4º, que vai ler "La lista de cumpleaños". 

E digo eu, ¿cantos tipos diferentes de listas podemos facer para un aniversario? Xa o averiguaremos cando leamos o libro. Divertíunos moito que mesmo no comezo do libro dixese que ela cumplía anos o 13, e xusto hoxe é 13. ¡¡Que casualidade!!

Bicos mollados.

Rosalía

Case rematamos con Harry Potter

 Hoxe rematamos coa lectura do 2º libro da serie, Harry Potter e a cámara segreda no noso club de lectura. Pero a aventura non remata aquí, queremos ver as diferencias do libro coa película, así que adicaremos varios recreos para ver o filme, e poder comentalo.

Bicos mollados.

Rosalía

Os de 6º debullan contos

 Bo día.

Hoxe foi o turno dos de 6º  que levaron para a súa casa os libros de "Escarlatina, a cociñeira defunta". Coma sempre que lles presentamos este libro, ao principio dalles un pouco de aquel, pero conforme van sabendo de que trata o conto, xa muda a súa expresión e queren levalo. Este ano procuraremos facer algunha das receitas do alén, para comprobar se saben a morto ou a vivo. Cando xa marchaban, decatámonos de que non fixeramos ninguha foto, así que polo aire pillei aos últimos que saían da biblioteca e fixemos a foto. Para o vindeiro día, tentaremos facer máis.

Bicos mollados.

Rosalía.

Debullamos contos de novo

 Olaaa!

¡Que contenta estou! Xa comezou de novo o club de lectura e como non podía ser doutro xeito, xa que os de 4º de este ano estaban esperando como tolos poder participar no noso club, foron os primeiros desta nova tempada.

Aproveitando que a biblioteca está toda decorada, entraron as escuras, so iluminados polas cabazas lanternas que alí os agardaban... unha vez sentados, unha música empezou soar... 🎼🎶🎵 Preme aquí

Rapidamente imaxinaron con quen tiña que ver o libro que ían ler e os berros de emoción fixeron pensar que algo de moito medo estaba a suceder alí dentro. "Harry Potter e a Camara secreta" é o título escollido para dar comezo a este club. Algún xa non quixo agardar a que rematara a reunión e comezou lelo sen escoitar nada máis😂😂😂

Aquí os temos nesta nova andaina, esperamos que lles preste a lectura.

Bicos mollados.

Rosalía