Olaaa, hoxe 27 e ata o 29 de marzo, teremos no edificio da Lomba unha exposición sobre sellos e o funcionamento de Correos . Dentro do noso PDI sobre os medios de comunicación non podía faltar este, de feito, ao saber dende o curso pasado que foramos elexidos para poder desfrutar desta exposición itinerante, decidir a temática deste ano foi algo moi doado.
Para a inauguración contamos coa presenza das responsables das oficinas de Correos de Vilagarcía e Santiago, co concelleiro de Obras e servizos do Concello, co presidente da Sociedade Filatélica Española xunto co comisario da exposición, que é quen está mostrando ao alumnado todo sobre esta inciativa, unha das voluntarias da Biblioteca e como non, da directora do colexio.
Explicouse porque está aquí a exposición e como agora eu son famosa son famosa e estou nun sello oficial, co que se poden mandar cartas polo mundo adiante, fun unha das que lle puxo o cruño aos sobres cos tres sellos cos que nos agasallan dende Correos. Tamén nos regalaron unha historia de España dende a perspectiva dos sellos que estará pronto rexistrada e a disposición de quen a queira ler., e unha placa de recoñecemento.
O máis importante é todo o que estamos a prender sobre os sellos e como o servizo postal evolucionou e con el os sellos, porque hainos de ouro, de sabores, de olores, en 3D, con sementes, en holograma... e o que é mellor é que se poden coleccionar. O alumnado levou uns cuantos para poder comezar a colección.
Hoxe de 4 a 6 e mañá tamén no mesmo horario, está aberto ao público en xeral a exposición, así que xa sabedes, non perdades a oportunidade de visitala. de todos modos por se alguén non pode, no vídeo vai un pequeno resumo do día.
O que é máis, saímos na prensa!!! https://www.farodevigo.es/arousa/2023/03/28/ceip-lomba-recorre-historia-espana-85254945.html
Máis adiante, poñerei un vídeo coas diferentes actividades que se fixeron cos distintos niveis. ¡¡Que sorte temos de desfrutar desta exposición no colexio!!
Bicos mollados
Rosalía
Ningún comentario:
Publicar un comentario