Centro de Día

 Xa fomos ao centro de día que temos ao carón do colexio, na rúa Monte dos desamparados. 

Recibíronnos con grandes sorrisos e comezamos coas presentacións, a educación por diante. Despois por cursos foron tocando pezas co carillón que prepararan coa mestra Sandra nas clases. Tamén cantaron a panxoliña deste ano. 

 

Unha vez rematada a nosa actuación os que nos levamos unha sorpresa fomos nós, pois tamén nos tiñan preparada unha pequena actuación, un popurri de panxoliñas en castelán e despois outro en galego, unha medio recollida de cantos desta zona. ¡Hai que ver o ben que cantaban algúns!

Tamén levamos unhas cartas e postais para que adornasen as paredes e puidesen ler as nosas mensaxes.

Falamos do que facemos normalmente no Nadal, se cantamos, que cancións, que instrumentos usamos e falando, falando, quedamos en que iamos facer algo máis en conxunto, seguramente que eles e mais elas veñan á biblioteca para ver o chula que está e as cousas que facemos alí.

Ademais levamos unha manchea de sugus de volta ao colexio, pois agasalláronnos con eles por lles visitar.

E por se non nos chegara cos caramelos, tamén tivemos "gusanitos" ao chegar ao colexio que nos entregou a profe Mariel, como remate de faena.

Da xenio facer este tipo de cousas que logran que poidamos intercambiar experiencias e tempo cos nosos maiores, que as veces andamos tan apurados que esquecemos o realmente importante destas festas, compartir o tempo.

¡¡Bo Nadal a todo o mundo!!

Bicos mollados.

Rosalía