LEGO no Anexo e en 5ºB

 Olaa, 

Hoxe foi a quenda do alumnado de 4ºC e 5ºC no Anexo e de 5ºB na Lomba. De novo Cris explicou o funcionamento e os obxectivos desta actividade e todo o mundo aprendeu un montón. 

Fixádevos nas caras😉

 

Bicos mollados.

Rosalía

Unha xornada máis de Bibliopatio

 Olaa,

Os nosos voluntarios outro día máis (xa sabedes, luns e xoves), baixaron o noso carriño ao patio para que así quen queira poida estar ao aire libre e ler durante o tempo de recreo. 

Xa sabemos que hai quen trae o libro da casa, ou mesmo que vai pola biblioteca antes de baixar ao patio, pero para a xente que se despista, temos esta modalidade.

¡¡Que non quede ninguén sen ler!! 

Bicos mollados.

Rosalía

LEGO WEDO 2.0

 

Olaaa,

Non me puiden resistir, en canto preparamos todo para a actividade, xa pedín que me fixeran unha foto para que se vexa que eu tamén estou sendo activa e creativa. 

No día de hoxe tiveron a sorte de facer esta actividade os de 4ºA, 4ºB e 5ºA. por quendas baixaron á biblioteca e Cris, a monitora, foilles explicando como traballar con este programa e coas pezas, pero non só había que montar, había que programar e confirmar que o que eles querían facer, eran quen de programalo ben e que a súa máquina realizaba o esperado.

O traballo foi en equipo, e xa se sabe as veces xorden pequenos conflitos e frustración por non ser capaz de facer á primeira o que se pretendía... así é a vida e dos erros é de onde mellor se aprenden as cousas.

Eles quedaron encantados, esperando que lles toque xa a seguinte sesión para poder traballar máis e aprender. O 25 de abril serán os de 4º e 5º do anexo e os de 5ºB os que traballen co Lego.

Aquí queda un pequeno vídeo como mostra do traballado.

 

Vídeo completo

Bicos mollados.

Rosalía

Preparados para a creatividade con Lego WEDO

 Mañá empezamos coas sesións para 4º e 5º de LEGO WEDO. Están dentro da nosa biblioteca creativa e grazas a asesoría podemos desenvolver estas actividades de formación. Será unha primeira toma de contacto e despois... a imaxinación ao poder!!

Todo preparado e disposto😉😍

Bicos mollados.

Rosalía

Día do Libro infantil 2024

 Olaaa,

Xa estamos de volta das vacacións de Semana Santa.

Hoxe ademais do día do Autismo , celébrase tamén o Día do Libro infantil, data de nacemento de Hans Christian Andersen.

A sección patrocinadora deste ano é Xapón que difunde a mensaxe de Eiko Kadono e o cartel de Nana Furiya co lema "Navega polos mares coas alas da túa imaxinación".

 

GÁLIX, Asociación do Libro Infantil e Xuvenil, facilítanos a tradución ao galego de Mercedes Pacheco.

 

Bicos mollados.

Rosalía