CHEGARON AS VACACIÓNS

¡¡¡VELAÍ VOS VAN AS RECOMENDACIÓNS LECTORAS POR SE ALGUÉN DE CAMIÑO A CASA COA EMOCIÓN, AS DEIXOU ATRÁS!!!

Pasádeo moi ben e lede moito.


Bicos mollados.

Rosalía

¡¡Que pouquiño falta para o Samaín!!

Non queda nada, un par de días e xa temos aquí ao Samaín.

Buceando nas redes (xa sabedes o que a mín me gusta  bucear e nadar)  atopei este conto con sorpresa final moi apropiado para estas datas de medo e sustos.

Xa veredes que bonito!!

http://www.elrelampago.es/blog/2014/10/01/la-pequena-casita-naranja-cuentacuentos/

Biquiños de medo👻💀

Rosalía

Estreando o forno!!!

¡¡¡Quen dixo que nunha biblioteca so se pode ler!!!

Hoxe estivemos de estrea, os alumnos de 5 anos quixeron cociñar uns monstruosos dedos momificados, aproveitando que o Samaín está á volta da esquina 👻💀.

¡¡Que pintaza!!!😋😋😋 e iso que a min só me gustan os insectos😁

 

Bicos mollados.

Continuamos preocupados polo medioambiente

O pasado luns viñeron ao noso colexio dúas alumnas do IES Castro Alobre, Nuria e Lucía para contarlles aos alumnos/as de 4º cousiñas que podemos facer todos no noso día a día para mellorar o Mundo. Tamén os de 5º puideron aprender delas.

Da xenio ver á xuventude tan preocupada e concienciada.

Déixovos o enlace á nosa páxina web e máis unhas fotiños dos de 4º

http://www.edu.xunta.gal/centros/ceipalomba/?q=node/244

Bicos Mollados

Rosalía

Estou moi preocupada

¿Sabedes que nesta semana hai moita xente en todo o mundo que se vai mobilizar polo planeta? #teachers for future Spain

É que o que está a pasar tenme moi preocupada, entre o plástico que está por todas partes e o pouco que lle parece importar a moita xente o que acontece, dende esta a miña Lagoa quero facer un chamamento para que colaboremos e fagamos ver que nós si que estamos preocupados e que ímos loitar por un mundo mais sostible.

Por iso temos agora nas aulas cubos para a reciclaxe e así poder colaborar cun mundo onde as tres R sexan as nosas aliadas! ¡¡¡Mirade senón o que lle pasou a unha curmá miña!!!

 Bicos mollados.

Rosalía.

¡¡¡BENVIDO TODO O MUNDO!!!

Olaaaaa!!!!! Menos mal que xa estades de volta no colexio. 

¿Gustouvos a sorpresa da entrada? É que este ano imos investigar e aprender moito dos Xogos Olímpicos e mesmo faremos nós uns. ¿Que vos parece?

No verán tiven tempo de argallar moitas cousas, de ler, de facer algunha escapada fora do colexio e de facer exercicio, como non, pero do que estou mais contenta é de que xa poidamos estar de novo xuntos.

Teredes pronto novas dende a Biblioteca.

Bicos Mollados.

Rosalía.

¿Que facer no verán?

Por se non sabedes que facer nestas vacacións, ler é sempre unha boa opción. Xa sei que levastes unha folliña á casa coas recomendacións lectoras, pero por se alguén as perdeu polo camiño coa emoción das vacacións, aí vos quedan.

Bicos mollados

Contacontos no Anexo.

Hoxe achegouse ao anexo Eva Tato, unha contacontos coa que riron a cachón os de infantil e máis os de 1º. Entre os contos falou da  leiteira, a pulga e a mosca, facendo referencia a Antonio Fraguas. 

Aí vos queda unha pequena mostra.

http://www.kizoa.es/Editar-Vídeos-Movie-Maker/d1c275378036k4379727o2 

Bicos mollados.

Rosalía.

Angel Mora no Anexo

Que sorte tiveron no Anexo. Presentáronlles o libro "El clan Planetario " escrito por Ángel Mora que é un proxecto que reúne varias disciplinas artísticas, literatura, música, ilustración, animación e teatro. Componse de 7 contos nos que se fala da importancia do traballo en equipo, a amizade, o respecto aos demais e á Natureza, o compromiso, a importancia de perseguir os soños, a alegría e a actitude ante a vida, a superación dos medos...  e das cousas que nós, por pequenos que sexamos podemos facer.

Aprenderon moito e desfrutaron moito.

Bicos mollados.

Rosalía

Visita de Pedro Brandariz.

Hoxe, coma remate da semana das Letras Galegas, achegouse ao noso centro Pedro Brandariz. Na primeira quenda todo infantil e 1º e 2º da Lomba escoitaron  contos populares que tan ben recollía Antonio Fraguas, e que Pedro, axudado polo raposo que trouxo, foinos deixando prendados. Contou datos curiosos da vida deste home ao que se lle adicou este ano o día das Letras Galegas.  Como na miña Lagoa non cabían todos, foron para o ximnasio, pero eu quedei fora escoitando, que aínda que os raposos non soen comer ras, xa se sabe que con fame non hai pan duro!!!

Cantamos, usamos as orellas e máis o corpo, a verdade e que o pasamos moi ben.

Despois viñeron os de 3º a 6º e alí seguiu Pedro contando máis historias para esta nova quenda de rapaces e rapazas do colexio.

Para rematar esta mañá, trasladouse cara o Centro de Educación Especial pois no Anexo non cabían todos, e alí xunto cos alumnos do CEE  fixo outras dúas quendas. e me pregunto eu... ¿non quedaría agotado de contar tantos contos?? Seguro que non, unha boa historia alimenta a alma e cun público tan bo coma o noso alumnado e mais o do CEE debeu quedar cheíño, coma o raposo no curral de dona Maruxa.

Ao rematar lembrounos unha cousa moi importante: “O galego non é para usar un día, nin unha semana, é para usar os 365 días do ano”

http://www.kizoa.es/Editar-Vídeos-Movie-Maker/d270326914k3801082o2l1/contacontos-letras-galegas

Bicos mollados.

De novo no Centro de Día.

Hoxe para celebrar o Día das letras Galegas parte dos axudantes da Lagoa e outros compañeiros/as de 5º achegáronse ao Centro de Día. Alí xogaron cos maiores a facer preguntas sobre a lingua Galega, e non vos pensedes que eran doadas de todo... que aínda os meteron nalgún aprieto, por equipos traballaron para contestar ben. Tamén descubriron que hai unha chea de palabras para definir a chuvia, coma orballar, chuviscar, poallar...

E como non podía ser doutro xeito, e a troula sempre gusta, os nosos alumnos/as remataron botando dúas pezas acompañadas coa pandeireta. "A Carolina" e unha mistura da foliada de Carril e outras coplas. Que ben as coñecían no centro, bailar non bailaron, pero cantar e aplaudir...

Xa quedaron en voltar outro día e botar de novo outro rato de boa compañía.

Ao chegar ao colexio e despois de desfrutar do recreo, no tempo do Plan lector e despois de que nos presentaran os de 6º o último desafío sobre Antonio Fraguas, repetiron as pezas que lles cantaran aos maiores para o resto dos compañeiros.

Que non falte a festa nen a música, e menos cando fala da nosa Terra.

http://www.kizoa.es/Editar-Vídeos-Movie-Maker/d270341476k1402401o2l1/letras-no-centro-de-da 

 

Bicos mollados. 

 

Semana das Letras Galegas

¡¡¡Bo día a todo mundo!!!

Esta semana é moi especial. O venres celebramos o Día das Letras Galegas que este ano está adicado a Antonio Fraguas Fraguas. 

Dende o Equipo de Normalización e Dinamización Lingüística propuxeron un reto moi divertido. Na sesión do plan lector, alumnos de 6º fan preguntas sobre o homenaxeado e as clases teñen que traballar en conxunto para acadar a resposta correcta. Despois levan un papel coa resposta consensuada e o deixan nunha caixiña. Ao día seguinte, antes de propoñer o seguinte reto, contan que clases acertaron. Un representante de cada aula baixa cunha peza do puzzle que lles entrega o titor/a e entre todos tentarán que o xoves poidamos ler e ver a mensaxe agochada.

Hoxe tamén, os de sexto deleitaronnos no plan lector tocando o Himno Galego coa frauta. ¡¡¡Daba xenio escoitalos!!! Aí deixamos unha pequena mostra.

E mañá, parte dos voluntarios da biblioteca e varios achegados máis, voltarán ao Centro de Día para botarlles unhas pezas cantadas e tocadas coa pandeireta e para facer uns xogos da lingua con eles.

¡¡¡Estamos que non paramos!!!

¡¡¡Bicos mollados!!!

Hoxe foron os de primeiro do Anexo.

Onte a rapazada de primeiro da Lomba foi coñecer as instalacións da Biblioteca Pública Municipal, e o hoxe foi a quenda dos alumnos e alumnas do Anexo.

Que sorte que aínda andaba por alá o Caracol Sol e que lles dixo tamén como funcionaba, contoulles contos e como non, tamén levaron para casa o agasallo dos globos.

Xa teñen ganas de voltar outro día 😍😍

Coñecemos a Biblioteca Pública Municipal.

Hoxe os alumnos de primeiro da Lomba foron de visita á Biblioteca Pública Municipal de Vilagarcía. Alí estaba para os recibir o Caracol Sol quen lles contou unha chea de cousas, da biblioteca, que podían facerse socios tamén de alí,  de contos... ¡que bonito o conto!!! o de Rosa Caramelo 😍😍e ata lles fixo unhas espadas e uns cans cos globos!!!

Ao rematar a visita foron repoñer forzas ao parque e xa postos... a xogar un pouquiño tamén.

Como lles prestou... é que xa se sabe... as bibliotecas están cheas de maxia... sabereino eu😂😂

http://www.kizoa.es/Editar-Vídeos-Movie-Maker/d268622023k9364962o1l1/biblioteca-pblica-municipal

Bicos mollados.

Semana do Libro

Olaaaaaa!

¡Que semaniña!!! ¡¡Canto movemento de libros polo colexio adiante!! 📒📕📖📗📘📙📚
Na páxina web do colexio xa puxeron unha chea de fotos das actividades que fixemos nesta semana, aforránonnos o traballo😊 
Aquí vos deixo o enlace dunha selección de fotos, hai moitas mais, coma sempre, pero é imposible poñer todas.
Esperamos que vos gusten.

http://www.edu.xunta.gal/centros/ceipalomba/galeria/thumbnails.php?album=10

Bicos mollados.

Actuación "O Coelliño Branco"

O venres 26 estivemos no Centro de Día da Rúa do Bosque dos Desamparados que pertence ao Consorcio Galego de Benestar. Os voluntarios da Biblioteca fixeron unha “representación teatrada” do libro “O Coelliño branco” Posto que temos mais voluntarios que personaxes, fixemos unha versión na que aumentamos o número de animais aos que o coelliño lles pide axuda. Entre todos buscamos as rimas que repite o coelliño cando fala da cabra e ensaiamos nos recreos previos para poder levar a obra o mellor posible e disfrutar entre os nosos maiores. Non é a primeira vez que imos ao centro nin que veñen eles ao noso, e quedamos tan contentos todos, que fixo que para o ano repetimos!!!

Ao voltar ao colexio, levaron unha doce sorpresa, ¿a quen non lle prestan unhas chuches de cando en vez???

http://www.kizoa.es/Editar-Vídeos-Movie-Maker/d1c265467991k7723065o1

Bicos mollados.

Ensaios do "Coelliño Branco"

Mañá parte dos nosos voluntarios irán ao centro de Día pertencente ao Consorcio da Xunta de Galicia para facer unha pequena representación do conto "O Coelliño branco" de Kalandraka. Como había máis voluntarios ca personaxes, modificamos un pouquiño o texto e engadimos máis animais para dar cabida a todos.

Xa nos contarán como foi a experiencia, porque nos ensaios pasárono moi, pero que moi ben.

Bicos Mollados.

Anpa Doutor Fleming!!!

No DÍA do LIBRO, a ANPA Doutor Fleming realizou unha xenerosa doazón de libros á biblioteca do Anexo A Lomba. Este xesto parte da vontade de fortalecer os lazos de colaboración entre a ANPA e a nosa escola. Grazas a eles a nosa biblioteca vai completando o seu catálogo con diferentes historias para educar na igualdade entre homes e mulleres. Contos como Pipi Mediaslongas, ¿Hay algo más aburrido que ser una princesa rosa? ou Caperucita Roja, Verde, Amarilla, Azul e Branca están listos para ser lidos!

http://www.kizoa.es/Editar-Vídeos-Movie-Maker/d1c263587897k9817255o1

23 de abril. ¡¡¡¡Día do Libro!!!!

¡¡¡Hoxe é un día moi especial para nós!!! ¡O día do Libro!

Durante esta semana dedicarémonos a que todo o mundo o saiba. Faremos lecturas compartidas de libros, de grandes a pequenos e, claro que sí, de pequenos a grandes e despois faremos un debuxo que exporemos polos corredores do centro. Queriamos poder facelo ao sol, ocupando o patio, pero o tempo non nos vai deixar. Non importa, calquera sitio onde se poida ler é bó.

O venres 26, coma xa levamos facendo varios anos,  faremos un intercambio de libros. Os alumnos/as que queiran, poderán traer un ou varios libros ao colexio e levarán outros tantos de volta para casa. Pero OLLO, teñen que ser do voso nivel e estar en boas condicións, non vale facer trampas.

O luns 29  poderedes traer da casa ese libro que máis vos gustou dos que lechedes na vosa vida, aquel libro que recomendaríades sen lugar a dúbida a calquera para ler, e vir caracterizado/a coma algunha das personaxes do libro.

Xa poremos despois as fotiños de tanta cousa boa.

Bicos mollados.

Rosalía e o Mar de Carril.

Bo día:

Como xa vos anunciara, por fin temos no colexio a exposición de "Rosalía e o Mar" que non puido estar no 24 de febreiro no noso centro. 

Pagou a pena esperar, pois agora temos a oportunidade de saber un chisco máis da vida da miña tocaia de cando estivo aloxada no Carril. Canta información nova descubrimos sobre todo, grazas aos alumnos de 6º, que traballaron previamente para ter agora toda unha serie de actividades e xogos que investigando nos diferentes paneis, descóbrennos cousas que non sabiamos (eu tampouco).

 Que ben o pasamos aprendendo cousas novas😃😃😃.

 

http://www.kizoa.es/Animated-Collage/d1c262418215k5579620o1

Bicos mollados

Agasallos dende o Concello.

Hoxe a concelleira de cultura de Vilagarcía de Arousa -Sonia Outón-, visitou o noso centro e fixo entrega do libro "A detective Peregrina e o insólito "caso Antón Fraguas"" ás nenas e nenos de terceiro de Primaria. Este libro afonda na figura de Antón Fraguas, autor ó que se lle adican as Letras Galegas deste 2019. 

Para a Biblioteca tamén deixou un exemplar, así que dentro de moi pouquiño estará á vosa disposición tamén aquí, na Lagoa.

                                     

Bicos Mollados.

CONTACONTOS ACTÍVATE NO ANEXO

Nesta semana as persoas maiores que participan no programa da vila Actívate,  viñeron ao Anexo a nos contar distintos contos e anécdotas da súa infancia. 

Case toda a semana estiveron por aquí falando cos distintos cursos.

Os alumnos pasárono moi ben e cremos que eles tamén. Gustaríanos repetir esta actividade o ano que vén para seguiren a fomentar o contacto entre diferentes xeracións.

 Bicos Mollados.
Rosalía

27 de marzo, Día Mundial do Teatro.

E coma non podía ser doutro xeito, cada clase puxo o seu gran de area para que outra rama da literatura entrase nas aulas. No expositor puxemos unha escolma de textos da biblioteca para que, coma no caso da poesía, durante o plan lector desa semana se usaran e desfrutaran, facendo pequenas lecturas en voz alta para que o verme do teatro entrara nas aulas e xurdan novas propostas para traballar.

  Día do teatro

Bicos mollados.
Rosalía

Arte na Rúa.

A Deputación de Pontevedra organizou por toda a provincia "Mulleres en acción" manifestacións de arte e as mulleres falando da Non violencia machista. Os nosos alumnos de 5º foron ata alá e participaron, como non podía ser doutro xeito tendo ademais en conta o noso PDI e pintaron cunchas de vieira para pola parte que non se vía poñer lemas e mensaxes que serían levantadas para ser partícipes desta actuación "Venus" proposta por Luz Darriba. Ademais de pintaren as cunchas e posto que de banda sonora do evento soaban Guadi Galego, Ses e Rozalén entre outras, aproveitaron para voltar signar a canción "La puerta Violeta" que aprenderan cinco meses antes.

Aí vos queda unha pequena mostra.

http://www.kizoa.es/Animated-Collage/d1c262412566k1596088o1

Bicos mollados .
Rosalía

Axudantes do Vol-A na biblioteca

Boas tardes:

¡¡¡Teño unha chea de axudantes na lagoa!!!!  E boa falta fan, que coa remodelación da biblioteca temos mooooooito traballo. Ademáis estrean  petos para que saiba todo o mundo quen son, iso sí, non están todos na foto, pero todos os que están, son.

Bicos mollados.

Rosalía.

8 de marzo. Día da Muller.

¡¡¡¡¡Ola!!!!!  Para este 8 de marzo, dende o equipo de igualdade do centro quixeron facer visibles a tantas e tantas  mulleres que ao longo da historia moitas veces foron ignoradas. Esta visibilización fíxose coa participación tanto de mestras como de persoal non docente do centro nunha "campaña" na que reproduxemos fotos ou imaxes delas disfrazándonos e despois poñendo en pequeno o orixinal xunto co nome. O alumnado, mirando estas fotos, elexiu a unha ou varias mulleres e por cursos fan investigación para saber quen eran e poñerlles ao lado unha pequena biografía.

O noso expositor, cheo de libros sobre as mulleres, non para!!!!!! Está sendo usado para acadar parte desa información xunto coas TIC's. ¡¡Que gusto da ver tanta participación!!

8 de marzo 2019

Bicos Mollados

Danzas do Mundo no Colexio

Esta semana dentro do noso PDI tivemos a sorte de contar coa Asociación Pes de Barro que tivo a ben ensinarlle ao noso alumnado Danzas de Arredor do Mundo. A cada nivel, ciclo, do continente que estamos a traballar para así unir á música, a arte traballada neste trimestre, coa danza, e facer que se movan os corpos e se rompan barreiras que nalgunhas idades, tontamente empezan a aparecer.

Viva a música!!!! e os bailaríns!!!

 Danzas do Mundo

Bicos mollados.

Rosalía

Rosalía na Lomba.

Bo día:

Nesta semana do 24 de febreiro, no noso colexio decidimos homenaxear á miña tocaia, Rosalía de Castro, e ademais de teren expostos para o seu uso e disfrute libros dela, aproveitando que temos na Lomba megafonía nova e que dende todo o colexio podemos escoitar aos que falen dende o micrófono, usamos o tempo do plan lector para ler poemas e cantar algunha canción poemada dela.
Ademáis diso, nas aulas falamos e contamos un pouco da súa vida, pendentes de que unha exposición sobre Rosalía e Carril chegue ao noso centro para saber un pouco máis desta escritora e a nosa contorna.
Aquí vos deixo un pequeno vídeo con imaxes desta semana.

ROSALÍA 24-2-19

http://www.kizoa.es/Editar-Vídeos-Movie-Maker/d254811469k6508580o1l1/rosala-24-2-19



Bicos mollados.

Rosalía.

Mochilas Viaxeiras

Boas noites:

As mochilas viaxeiras deste ano xa andan polas casas dos nosos alumnos/as. Esperamos que vos gusten e que disfrutedes da lectura. este ano coma novidade, engadimos uns pequenos xogos para poder desfrutar en familia.

Bicos mollados.

Rosalía.

Día da Paz e non violencia escolar

Estou moi contenta porque o 30 de xaneiro celebramos o Día escolar da non violencia e da Paz. Aínda que tiñamos preparada unha carreira de relevos no patio, a meteoroloxía non nolo permitiu. Tivemos que facer no ximnasio unha xuntanza por quendas no edificio da Lomba e na entrada do Anexo.

Nas aulas traballamos previamente o que significaba este día e fomos escribindo un "Pergamiño Viaxeiro" que comezando en cada un dos 6º, baixou ata infantil e no que cada aula plasmou eses desexos de Paz e que limos neste fermoso acto. Para a carreira que non puido ser, o dorsal se entregaba a cambio de alimentos, pois fixemos unha recollida solidaria na que nos centramos nos alimentos sen glute, sen lactosa e sen ovo, que son dos que tiñan mais necesidade en "Amigos de Galicia", asociación á que se entrega esta "Colleita de Paz" pois a Paz é tamén a solidaridade.

Cada aula tamén tiña unha cartulina cunhas letras e cores que por separado non dicía nada, pero que ao facer o puzzle con todas as aulas, amosounos unha fermosa mensaxe: "Un neno, un mestre, un lapis e un libro poden cambiar o mundo" de Malala Yousafzai moi apropiada para o noso entorno escolar, a biblioteca e o noso PDI.

Deixamos este puzzle feito e os nosos desexos na entrada da Lomba, para lembrar que a PAZ non é un día, que ten que ser sempre!!!

Enlace Día da Paz 19

Bicos mollados.

Rosalía

Infantil ArteAndo polo mundo.

O que tal traballaron en infantil da Lomba!!! Converteron o corredor de Infantil nun museo onde se poden ver obras de pintores europeos, os que lles corresponde estudar no seu PDI. 

¡¡¡É que son uns artistas tremendos!!

Mirade senón unha pequena mostra  do que fixeron.

Infantil ArteAndo

O manga e Anime de 6º

¡Como traballaron estes rapaces de 6º! No primeiro trimestre, coa pintura e dentro do continente asiático que é o que lles corresponde neste PDI, traballaron o Manga e o Anime mirando as diferencias entre cada un e como debuxalos. Aí queda unha pequena mostra do aprendido.

http://www.kizoa.es/Animated-Collage/d1c262419799k3624108o1

Bicos mollados.

Rosalía, a Ra que le poesía.