Voluntariado ensaiando

 Olaaaa!

O voluntariado que se apuntou para ir ao centro de día a lles cantar unhas panxoliñas, está xa nos recreos quecendo gorxas e aprendendo as letras. Tamén vai preparar unhas postais de felicitación polas festas.

As panxoliñas son tradicionais, para ver se os usuarios e usuarias do centro se lembran delas e nos acompañan na nosa actuación. 

Estamos a ter problemas coas fotos, engadirémolas en canto sexa posible, pero non podíamos deixar pasar a oportunidade de contarvos estas novas.

Bicos mollados.

Rosalía 

 

Explicando o 25N

Ola,

Dende o equipo de igualdade organizaron distintas actividades para conmemorar o 25N.

Nas aulas enchemos bolboretas moradas con mensaxes de "Bo trato" e as puxemos no taboleiro da entrada, colgando polos corredores e na verxa da entrada, para que se puideran ler e reflexionar sobre as mensaxes.

 

Parte do alumnado de 5º preparou unas pequenas charlas para lle explicar ao resto do alumnado o porque do 25N, o porque da cor morada, porque as bolboretas, os obxectivos a traballar...

Foron polas distintas aulas de primaria e non so o explicaron ben, atenderon ás preguntas e mesmo fixeron unha presentación dixital para que se entendera mellor o que contaban. Ao rematar, mesmo lles preguntaron por ver se prestaran atención, porque é un tema non que non nos debemos despistar nin un segundo.

Nas aulas de infantil, leron un conto sobre a igualdade. 

E coma sempre, os expositores da biblioteca están cheos de posibilidades de lectura sobre este tema e os das distintas conmemoracións.

 

Bicos mollados.

Rosalía 

Día da Música

 Ola 🎵🎶🎻🎼🎺🎹🎸🎷

Hoxe é Santa Cecilia, patroa da Música. Parte do alumnado de Infantil do edificio da Lomba estivo a traballar coas placas Makey makey e comprobaron como con froita e vexetais tamén se pode facer música.

Coas súas partituras, leron e tocaron unha sinxela canción, pero que soa moi ben. Decidiron agasallar dalgún xeito á profe Sandra para que desfrutara do seu día, musicalmente falando, e pediron que se vise este vídeo.

¿A que da xenio ver  estes artistas? 

Que a música nos acompañe hoxe e tódolos días da nosa vida.

Bicos mollados.

Rosalía🎶🎵 

Rachando co guión

Ola,

 Hoxe actuou no noso centro A Xanela do maxín para o alumnado de 4º dos dous edificios. A dicir verdade, non so foron os da Xanela, 10 alumnos e alumnas tamén formaron parte do espectáculo. É unha obra ofertada para medrar en igualdade.

Nesta obra, os monicreques tiñan pequenos diálogos, que protagonizaban distintos personaxes de dúas familias. A raíz destes diálogos, abríase a quenda de preguntas, sobre o que nos parecía o que dixeran, se estabamos de acordo, se non, por que... E a verdade é que fixo que pensaramos e nos decatáramos dunha serie de patróns de conduta, que as veces están aí, no subconsciente e que pouco a pouco hai que cambiar. E falo por min, que non son máis que unha ra, porque a maioría do alumnado xa ten as cousas moi claras. 

Deíxovos as actuacións tan marabillosas que tivemos.

 

Bicos mollados.

Rosalía 

Recreos superactivos

 Olaaaa,

Nos recreos estamos a ter a biblioteca chea de alumnado. É certo que non poder baixar ao patio tamén axuda, pero aínda así, hai xogos que lles encantan.

¡¡¡ Mirade se hai ou non hai creatividade nesta biblioteca !!!

 

Bicos mollados.

Rosalía 

Bibliopatio

 Olaa,

O noso voluntariado, fiel coma sempre (que non chova), baixou ao patio para que quen queira aproveitar as raiolas de sol e un libro, poida facelo. Aí os temos co carriño e os seus petos tomando nota de quen leva o libro, para que non se traspapele ningún..

 

Bicos mollados.

Rosalía 

O club de lectura a pleno rendemento

 Olaaaa,

Os grupos van funcionando que da xenio. O único problema é que non sempre nos lembramos de facer fotos. No Anexo temos dous grupos que leva a profe Patricia: un con "Invisible" de Eloy Moreno e outro con "Cuando brillan las estrellas" de Victoria Jamieson, Omar Mohamed

Na Lomba xa se reuniron os do grupo da outra profe Patricia e están a ler "Anna Kadabra: O club da lúa chea" de Mañas Romero Pedro, onde ademais comeron unhas galletas riquísimas que lles achegou a profe, e outros tres grupos que leva a profe Mariel "Idol" de  Alba Chan, Ene, que estiveron no noso centro o curso pasado,  "Eu tamén fun pequena" de  Concha Blanco e "Dona problemas" de  O Hematocrítico.

Quedan aínda grupos por comezar, é que non damos abasto, pero tranquilidade todo o mundo, que habemos de ler. Déixovos unhas fotiños dos días que si que nos lembramos de facelas.

  

Bicos mollados.

Rosalía